सहसपुरः विनोद कश्यप हत्या का मामला मा मुख्य गुनागार तैं पुलिसन पकड़ि याली

सहसपुर थाणा क्षेत्रम बैरागीवाला मा विनोद कश्यप की हत्या करण वाळूं तैं पुलिसन पकड़ि याली। पुलिसन गुनागारु तैं हरियाणा बटि पकड़ि।

बतै दियां की बैरागीवाला विनोद कश्यप कु कतल मामला मा पुलिसन बतै कि 13 जून 2026 ब्यखुनी दा पुंगड़ू मा पाणि लगौंद दा द्वी पक्षु का बीच छेड़ि ह्वेग्य। जैमा विनोद घैल ह्वेग्ये। जैका बाद अस्पताल मा वैकी मिरत्यु ह्वेग्ये छायीं।

विनोद का भै की तहरीर पर पुलिसन धारा 103, 109, 191(2) एवं 3 (5) बीएनएस का तहत मुकदमा दर्ज कर्यू छायीं।

पुलिसन टीम बणै कि गुनागारू की खोज सुरू कायी, पर मुख्य दोसि अमन पुलिस का हत्थ नी औंणु छायीं। तबि पुलिस तैं सूचना मिलिकि अमन अपणि दगड़ियों का दगड़ि हरयाणा मा लुक्यूं च।

उत्तराखण्ड पुलिसन झट कारवै कायी अर यमुनानगर हाईवे पर तिन्या दोसि अमन पुत्र मासूम, सावेज पुत्र अल्लारक्खा अर आजम पुत्र युनूस तैं पकड़ि दे। यां से पैलि ये मामला मा पुलिसन छै गुनागारू तैं पैलि हि जेल भेजि द्यायी। जैमा रज्जाक, सलमान, जावेद, शहबाज, इम्तियाज अर इन्तजार छन। अब मुख्य दोसि अमन का दगड़ि सब्या 9 कसूरबारू तैं पुलिसन पकड़ि याली।