मुख्यमंत्री धामिन बहुउद्देशीय शिविर मा भाग ल्यायी अर बोलि जनता तैं बार-बार सरकरि दप्तर का चक्कर नीं लगाण प्वड़याँ
मुख्यमंत्रिन धामिन आज देरादूण का तपोवन रोड मा क्षत्रिय चेतना मंच मा सेवा संकल्प अभियानक जरिया उर्यूं बहुउद्देशीय शिविर मा भाग ल्यायी।
ऐ मौका फर मुख्यमंत्रिन वख लग्यां स्टॉल तैं बि देखि अर कृषि यंत्र, मशरुम, मिनीकिट अर बाल विकास विभागा महालक्ष्मी अर किशोरी किट बि बांटि।
मुख्यमंत्रिन अप्सरु तैं बोलिकि यु शिविरू मा मिलि जनसमस्या कु बग्त फर हल करे ज्यां अर जै दिक्कत तैं हल करणा मा बग्त लगणु च , यांका बारम शिकैत करण वला तैं साफ बत्यें ज्यां। उन्न बोलिकि जनता तैं बार-बार सरकरि दप्तर का चक्कर नीं लगाण प्वड़यां।
मुख्यमंत्रिन बोलिकि आज देस विकसित भारत की दिसा मा बौत तेजी से अगनै बढ़णु च।
मुख्यमंत्रिन बोलिकि प्रदेस सरकार मा पैलि बटि चलणि ‘जन-जन की सरकार, जन-जन के द्वार’ अभियान का द्वि चरणु मा 6.6 लाख से जादा लोगुन भाग ल्यायी।
मुख्यमंत्रिन बोलिकि सरकार की कोसिस च कि शासन-प्रशासन जनता का बीच पौंछिकि ऊंकी दिक्कत तैं समझिकि वांकु समाधान तय कर्यां।
मुख्यमंत्रिन बोलिकि डबल इंजन सरकार जनसेवा तैं जादा असान, अर प्रभावी बणौंणा दिसा मा काम करणि च।
सरकार की कोसिस च कि लोगु तैं प्रमाणपत्र, पिंसन, रासन कार्ड, स्वास्थ्य सुविधा हर हौरि सरकारि काम का वास्ता क्वीं दिक्कत नीं हूंण चैंद। खास कैकि दाना अर ब्यटुलौं अर प्रदेसा दूर रैंण वला रैवासियों तैं सरकरि सेवा कु फैदा मिल सक्यां।
मुख्यमंत्रिन अप्सरु तैं बोलिकि जनसमस्या कु समाधान सिरफ औपचारिकता नीं च बल जनसेवा की जिम्मेबरि च।
मुख्यमंत्रिन बोलिकि सेवा संकल्प अभियान के जरिया स्वास्थ्य सेवा पर खास ध्यान दिए जाणु च। यु शिविरू का जरिया लोग स्वास्थ्य जांच अर चिकित्सा जन्नि सुविधा देंणा कोसिस हूंणि च।