मुख्यमंत्रिन सिद्धपीठ श्री कुंजापुरी पर्यटन अर विकास म्यळा मा भाग ल्यायी अर बोलि- नवरात्रा फर कौथिग कु खास संजोग च
मुख्यमंत्रिन धामिन आज नरेन्द्रनगर मा पचासौं सिद्धपीठ श्री कुंजापुरी पर्यटन एंव विकास मेले कु ध्वजारोहण कैकि सुरु कायी।
मुख्यमंत्रिन अमर शहीद अर स्वतंत्रता संग्राम शहीद स्मारक पर माळा पैरेकि श्रद्धांजलि द्यायी। मुख्यमंत्रिन माँ कंुजापुरी की पूजा बि कायी।
मुख्यमंत्रिन शारदीय नवरात्रि अर म्यळा की स्वर्ण जयंती की बधै द्यायी अर बोलि कि नवरात्रा फर कौथिग बौत खास संजोग च। अंतरराष्ट्रीय बालिका दिवसा मौका फर नौनियों की उज्ज्वल भवेष्य की कामना कायी। उन्न बोलिकि हमरि संस्कृति मा नौनि तैं माँ भगवती कु रूप मन्यें जान्द।
मुख्यमंत्रिन बोलिकि प्रदेस सरकार प्रदेसा संस्कृति तैं बचौंणा वास्ता बचनबद्ध च। उन्न समान नागरिक संहिता, सशक्त भू-कानून, धर्मांन्तरण विरोधी कानून, दंगा रोधी कानून अर नकल विरोधी कानून का बारम बि बोलि। उन्न बोलिकि तेरह हजार एकड़ से जादा सरकरि जमीन फर बटि कब्जा हटै। मुख्यमंत्रिन बोलिकि टिरी मा टिरी झीलक चौछ्ड़ि रिंग रोड बण्यें जाणी च।
झीम मा जलक्रीड़ा, साहसिक पर्यटन अर होमस्टे तैं अगनै बढ़ये जाणु च।
म्यळा मा छोलिया नृत्य, गाडू घड़ा (तेल कलश), महिषासुर मर्दिनी, प्रह्लाद की भक्ति फा बढ़ि नरसिंह अवतार, मां कुंजापुरी की झांकी बि छायीं।