विद्या मनखि कु सबसे बडु गैंणा च : CM धामी

इंटर कॉलेज यमकेश्वर मा नै बण्यूं भवन कु मौका पर आज उत्तरप्रदेशा मुख्यमंत्री अर प्रदेस मुख्यमंत्री धामी द्विया पौंछ्यां छायीं।

कार्यक्रम से पैलि द्विया मुख्यमंत्रियों न यमकेश्वर शिव मंदिर मा दर्शन करिन, पूजा कायी अर प्रदेस सबि लोग राजि खुसी रैंया या कामना कायी।

मुख्यमंत्रिन धामिन बोलिकि विद्या मनखि कु सबसे बडु गैंणा च। शिक्षा सिरफ डिग्री अर रूजगार कु साधन हि ना, बल संस्कार, चेतना अर नैतिक विकास कु अधार च। उन्न बोलिकि उत्तराखण्ड सरकारन पिछल चार सालु मा 28 हजार से जादा नौंना तैं नौकरि द्यायी। सरकार शिक्षा तैं हौरि मजबूत, गुणवत्ता अर नवाचार क जरिया समावेश विकास दिसा म खळाखळ काम करणि च। उन्न बोलिकि नै बण्यूं इंटर कॉलेज भवन मा इस्कुल्यां नौंना तैं नै वातावरण मिललु। उन्न बोलिकि मुख्यमंत्रि योगी आदित्यनाथ आज सुरक्षा, सुशासन अर विकास वास्ता सर्या देसम प्रेरणास्रोत बण्यां छन। उन्न बोलिकि यु हम खुणि बौत गौरव की बात च कि योगी आदित्यनाथन यखि बिटि अपणि शिक्षा प्राप्त कायी अर आज देसम अपणि खास पछ्याण बणि।

कार्यक्रम मा मुख्यमंत्रि योगी आदित्यनाथन बोलिकि भौतिक विकास जिन्दगि कु आखिर लक्ष्य नीं च। उन्न बोलिकि इस्कुळम सिरफ कितबि ज्ञान न बल संस्कार, संस्कृति अर आध्यात्मिक मूल्यों कु ज्ञान दिये जाण चैंद।

मुख्यमंत्री योगी न राष्ट्रीय शिक्षा नीति क बारम बोलिकि यामा व्यवहारिक अर कौशल अधारित शिक्षा पर बि खास काम करे जाण चैंद। उन्न यु बि बोलिकि जै शिक्षम गुणवत्ता की उच्चस्तरीय हूंण चैंद
ये मौका पर सांसद हरिद्वार त्रिवेंद्र सिंह रावतन बि सब्यौं तैं बधै द्यायी