सरकारि जिम्मेबरि तैं सिरफ नौकरी ही नी समझयाँ बल समाज का सबि मनिख की जिन्दगि मा बदलाव ल्याणा का जरिया बि बण्याँ: मुख्यमंत्री धामी
मुख्यमंत्री धामिन मुख्यमंत्री कैम्प दप्तर मा उर्यूं कार्यक्रम मा आयुष विभाग का 271 अर कर्मचारी राज्य बीमा योजना का जरिया 61 एलोपैथिक फार्मेसी अधिकारी दगडि 332 नै भर्ति कार्मिकों तैं भर्ति पतर द्यायी।
मुख्यमंत्रिन न सबि नै भर्ति कार्मिकौं तैं बधै द्यायी अर उ से सेवाभाव, संवेदनशीलता दगड़ि अपड़ि जिम्मेबरि निभौंणा की उमेद कायी।
मुख्यमंत्रिन बोलिकि भर्ति पतर मिलणा बाद ज्वानु क जिन्दगि मा जनेसवा की एक नै जिम्मेबरि की शुरुवात च। उन्न बोलिकि नै भर्ति कार्मिक अपणि सरकरि जिम्मेबरि तैं सिरफ नौकरी ही ना समझयाँ, बल समाज का सबि मनिख की जिन्दगि मा बदलाव ल्याणा का जरिया बि बण्याँ।
मुख्यमंत्रिन बोलिकि आयुष विभाग अर कर्मचारी राज्य बीमा योजना से जुड़यां कार्मिक की जिम्मेबरि सीधा लोगुकि स्वास्थ्य अर जिन्दगि से जुड़ी च। उन्न नै भर्ति कार्मिकों तैं बोलि कि वु जख बि नौकरि कर्यां वख अपणु काम की मिसाल जरुर दियां। अस्पताल आण वलु हरेक मनखि उमेद लेकैकि आंद अर कार्मिक कु सै फैसला अर कोसिस जरुरतमंद का जिन्दगि मा बडु बदलाव कै सकद।
मुख्यमंत्रिन बोलिकि प्रदेस सरकार न प्रदेसा भर्ति बन्दुबस्त तैं छाळु अर खळखळु (निष्पक्ष) बणौंणा वास्ता कड़ा फैसला लिए ग्येन। नकल माफियों पर कारवै का दगड़ि नकल विरोधी कानून लागू करे ग्यायी। मुख्यमंत्रिन बोलिकि आज प्रदेसम मेनत अर योग्यता का बल पर सरकार नौकरि म मौका मिलणु च।
मुख्यमंत्रिन बोलिकि उत्तराखण्ड देवभूमि दगड़ि योग, आयुर्वेद, अर औषधीय जड़ी-बूटियों की परंपरा वलु प्रदेस च।
मुख्यमंत्रिन बोलिकि प्रदेस सरकार कु लक्ष्य हरेक मनखि तैं स्वास्थ्य सुविधा देंणु च। उन्न नै भर्ति कार्मिकों से ईमानदारी अर सेवाभाव का दगड़ि काम करणा की उमेद कायी।