मुख्यमंत्री धामिन काशी विश्वनाथ मंदिर अर शक्ति मंदिर उत्तरकाशी मा कायी पूजा अर प्रदेसा रैवासी राजी-खुसी रयां या विनती कायी
मुख्यमंत्री धामिन आज काशी विश्वनाथ मंदिर अर शक्ति मंदिर उत्तरकाशी मा पूजा कायी अर प्रदेसा रैवासी राजी-खुसी रयां या विनती कायी।
यांका बाद मुख्यमंत्रिन रामलीला मैदान मा उर्यूं सेवा संकल्प अभियान मा भाग ल्यायी।
मुख्यमंत्रिन बोलिकि कि प्रधानमंत्री कु नेतृत्व मा जनधन योजना, जल जीवन मिशन, आयुष्मान भारत अर प्रधानमंत्री आवास जन्नि योजनौं कु लाभ समाज का कुणौं-कुणौं मा रैंण वला मनखि तक पौंछणु च। उन्न बोलि हमन शासन तैं सरकरि दप्तर अर फैलु मा हि ना बल लोगु का द्वार तक पौंछणा कु काम ह्वे।
मुख्यमंनि बोलिकि प्रधानमंत्री न बाबा केदार की धरति बटि 21वीं सदी कु ये दशक उत्तराखण्ड कु दशक बतै छायीं। प्रदेस सरकार ऊंका ऐ स्वींणा तैं पूरू करणा वास्ता काम करणि च। प्रदेस मा सड़क, रेल अर हवै कनेक्टिविटी बढ़ौंणा का दगड़ि उद्योग, पर्यअन, रुजगार अर स्वरुजगार का मौका बढ़ये जाणा छन।
मुख्यमंत्रिन बोलिकि पिछल चार सालु मा प्रदेस अर्थव्यवस्थ मा डेढ़ गुना जादा ह्वे अर हरेक मनखि की कर्म मा 41 प्रतिशत बढ़ोतरी ह्वे। सतत विकास लक्ष्य सूचकांक मा उत्तराखण्ड तैं सर्या देसम पैलु स्थान मिलि।
मुख्यमंत्रि बोलिकि चारधाम जातरा तैं हौरि सुरक्षित, अर असान बणौंणा की नतीजा च कि ऐसु 56 लाख से जादा श्रद्धालु चारधाम जातरा पर ऐन।
मुख्यमंत्रिन उत्तरकाशी मा 200 करोड़ रुप्यौं ये बणण वलि 50 योजनौं कु शिलान्यास कायी। जैमा 26 योजनों कु काम पूरु ह्वेग्ये अर 24 योजनों पर काम चलणु च।
मुख्यमंत्रिन बोलि कि उत्तराखण्ड समान नागरिकता संहिता लागू करण वलु पैलु प्रदेस च। प्रसेदम सख्त धर्मान्तरण विरोधी कानून, भू-कानून अर नकल विरोधी कानून जना फैसला लिए ग्यीन। 35 हजार से जादा ज्वानु तैं योग्यता के अधार पर सरकरि नौकरि दिऐ ग्यायी।
मुख्यमंत्रिन बोलिकि विकसित भारत कु संकल्प तैं पूरू करणा वास्ता हमतैं अपणा कर्तव्य अर जिम्मेबरि काम करण प्वाड़लु। उन्न बोलि कि प्रदेस सरकार उत्तराखण्ड तैं अग्वानया प्रदेस बणौंणा वास्ता खळाखळ काम करणि च।
ऐ मौका फर मुख्यमंत्रिन उत्तरकाशी मा विश्वनाथ-शक्ति मंदिर कॉरिडोर बणौंणा घोषणा कायी। उन्न बोलिकि बाबा विश्वनाथ अर मां शक्ति कु या पवेत्र जगा श्रद्धालुओं की आस्था कु केन्द्र च।
मुख्यमंत्रिन जिला चिकित्सालय उत्तरकाशी कु नौ पैल्यक गोलोकवासी विधायक गोपाल सिंह रावत का नौं फर रखणा की घोषणा कायी।