कैप्टन अजय पंत का मामला मा भारतीय उच्चायोगन मुख्यमंत्री धामी तैं द्याया सर्या जाणकारी
यूनाइटेड किंगडम मा पकड़यां उत्तराखण्डा रैवासी कैप्टन अजय पंत का मामला मा भारतीय उच्चायोग, मुख्यमंत्री धामी की खळाखळ कोसिस करणा छन। ऐ बारम भारत कु लंदन मा उच्चायोग न मुख्यमंत्री धामिन तैं सर्या जाणकारी द्यायाी।
उच्चायोग न बतै की कैप्टन अजय पंत एचएमपी विनचेस्टर म छन। 19 जून 2026 खुणि उच्चायोग न टेलीफोना जरिया ऊं से बात कायी।
यीं बातचीत मा कैप्टन पंत बतै मि ठीक छौ, उन्न बतै की जेल मा ऊंतै चिकिस्ता बि मिलणि च। उन्न बतै कि वु अपणि घरवळि का संपर्क मा बि छन।
मुख्यंमंत्रि तैं लेखि चिट्ठि म उच्चायोग न बतै कि ये मामला तैं यूनाइटेड किंगडम का विदेश, राष्ट्रमंडल अर विकास कार्यालय क समणि बि उठ्ये ग्यायी। जै से कैप्टन पंत की सुरक्षा, स्वास्थ अर अधिकारू की रक्षा करे जै सक्यां।
उच्चायोग कैप्टन पंता घरवळि अर वैंकी कंपनी एनर्जियोस मैरीटाइम प्राइवेट लिमिटेड दगड़ि संपर्क मा बि च। कंपनी न कैप्टन पंत तैं कानूनी मदत अर वैकी कुटुम्दरि तैं मदद कु भरोसु द्यायीं।
उच्चायोग न बतै की कैप्टन पंत तैं कोर्टन न्यायिक हिरासत मा भेजि द्यायी। ये मामला मा अब 16 जुलाई खुणि सुणै होलि।
मुख्यमंत्री धामि बोलिकि प्रदेस सरकार भारत सरकार, अर विदेश मंत्रालय अर भारतीय उच्चायोग क दगड़ि संपर्क मा च।