हरद्वार आध्यात्मिक नगर हूंणा दगड़ि उत्तराखण्ड कु औद्योगिक विकास कु प्रमुख केंन्द्र च: मुख्यमंत्री धामी
मुख्यमंत्री धामिन आज हरद्वार मा उर्यूं सातों सीआईआई उत्तराखण्ड इंडस्ट्रियल समिट एंड एक्सपो-2026 मा भाग ल्यायी।
मुख्यमंत्रिन बोलिकि हरद्वार आध्यात्मिक नगर हूंणा दगड़ि उत्तराखण्ड कु औद्योगिक विकास कु प्रमुख केंन्द्र बणणु च।
मुख्यमंत्रिन बोलिकि कै बि प्रदेसा आर्थिक बरगत मा व्यापारियों अर निवेशकों की खास भूमिका च। उद्योग लगण से रुजगार कु मौका मिलदन, नै तकनीक अर नवाचार तैं बढ़ावा मिलदु।
मुख्यमंत्रिन बोलिकि प्रदेस सरकारै उद्योग नीति का सकारात्मक परिणाम समणि ऐन। पिछल कुछ बरस मा प्रदेसम 29 हजार से जादा नै एमएसएसई इकाइयां लग्यींन। जैका जरिया 1.27 लाख लोगु तैं रुजगार मिलि। सिंगल विंडो सिस्टम तैं हौरि कुटकुटु कैकि 26 विभागु की 2026 से जादा सेवा ऑनलैन करिन।
मुख्यमंत्रिन बोलिकि प्रदेसा ज्वानु सिरफ नौकरि मंगण वला नी बण्यां, बल दूसरों तैं बि रुजगार देंण वला बण्यां, ऐ उद्देश्य से हि स्टार्टअप अर नवाचार अगनै बढ़ौंणा कु काम करे ग्यायी।
मुख्यमंत्रिन बोलिकि औद्योगिक विकास सिरफ सैंणा कु तोक तक हि नी रै ग्यायी। चमोली, पौड़ी अर अल्मोड़ा म छवट्टा उद्योग तैं प्रोत्साहित करणा वास्ता खास औद्योगिक पार्क बणौंणा दिसा मा काम करे जाणु च।
मुख्यमंत्रिन बोलिकि प्रदेस क घर्या उत्पाद, हस्तशिल्प तैं बड़ा बजार से ज्वड़णा फर खास ध्यान दिए जाणु च। ‘एक जनपद, दो उत्पाद’ जन्नि योजना क जरिया घर्या चीजु तैं देस अर विदेस मा पछ्याण दिलौंणा कोसिस करे जाणि च।