कौशल मंच, उत्तराखण्ड का नौन्याळुन पदक जीतिकि देस कु मान बढ़ै: धामी
शंघाई चीन मा उर्यूं अड़तालीसौ वर्ल्ड स्किल्स प्रतियोगिता-2026सम उत्तराण्डा द्वी खिल्वारू न रजत पदक जीतिकि प्रदेस कु मान बढ़ै दे।
उत्तरकाशी की सानिया जोशी न रिटेल सेल्स अर देरादूण का पार्थ वोहरा न औद्योगिक डिजायन तकनीकी कौशल मा रजद पदक हासिल कायी।
मुख्यमंत्री धामिन द्वियौं तैं बधै द्यायी अर बोलिकि दुन्या का कौशल मंच मा उत्तराखण्ड का नौन्याळुन पदक जीतिकि देस कु मान बढ़ै या परदेसा वास्ता गर्व की बात च।
वखि परियोजना निदेशक उत्तराखण्ड कौशल विकास समिति नरेन्द्र भण्डारीन बतै कि वर्ल्ड स्किल्स प्रतियोगिता तैं कौशल का तोक मा ओलंपिक का बराबर कु दर्जा मन्यें जांद। ऐ वर्ल्ड स्किल्स प्रतियोगिता मा 1,400 खिल्वारुन 64 तरा का कौशल विधा मा भाग ल्यायी।
भारतन 8 रजत पदक अर 20 मेडलियन्स फॉर एक्सीलेंस जीतिकि दसौ स्थान हासिल कायी। भारत कु अब तकाकु यु सबसे अच्छु प्रदर्शन च। उन्न बोलिकि सानिया जोशी अर पार्थ वोहरन इंडिया स्किल्स की राज्य क्षेत्रीय अर राष्ट्रीय स्तर की प्रतियोगिता मा अच्छु प्रदर्शन कैकि वर्ल्ड स्किल्स मा जगा बणै। कौशल विकास, सेवायोजन विभाग अर उत्तराखण्ड कौशल विकास समितिन द्विया खिल्वारु तैं बूट-कैंप, जातरा अर हौरि समान कु बन्दुबस्त मा मदत कायी।
कौशल विकास मंत्री सौरभ बहुगुणा न बि द्विया खिल्वारु तैं बधै द्यायी।