उपलन कर्मचारियों तैं अब समान काम कु मिललु समान वेतन
उपनल कर्मचारियों तैं दस सेवा पूरि करण बाद समान काम कु बदलम समान तनखा दिये जाणु कु शासनादेश जारी ह्वेग्ये।
बतै दियां की उपनल कर्मचारी अपणि मांगु तैं लेकैकि बौत बगत बिटि आंदोलन करणा छायीं। अब मुख्यमंत्री धामिन उपनल कर्मचारियों तैं दस साल सेवा पूरि करणा बदला मा समान वेतन दिये जाणु कु शासनादेश जारी कै द्यायी।
उपनल कर्मचारियों खुणि यु फैसला बौत जादा खास च। उपनल कर्मचारियों भवेष्य से जुड़या ये मामला कु मुख्यमंत्रिन समाधान कै की एक बडु काम कै द्यायी। यां से पैलि मुख्यमंत्रिन समान नागरिक संहिता, सख्त नकल विरोधी कानून, भू-कानून, धर्मान्तरण विरोधी कानून, जन्नि पूरणि मांगु पर काननूनी कारवै कायी।
मुख्यमंत्रिन बोलिकि उपनल कर्मचारियों तैं समान कामु का बदलमा समान वेतन दियें जाण फर ठप्पा लगै द्यायी। उन्न बोलिकि सरकार कर्मचारियों का भले का वास्ता सदिन खड़ी।