जिम बिटि भैर आणु हिस्ट्रीशीटर तैं तड़म गोळि मारि

राजधानी देरादूणम एक हौरि हत्याकाण्ड ह्वेग्ये। 13 फरवरी सुबेर 10 बजि सिल्वर सिटी मॉल मा या वारदान ह्वे।
पुसिलन बतै कि जै थैं गोळि लगि वु एक हिस्ट्रीशीटर छायीं, जु मूल झारखण्ड जमदेशपुर कु रैवासी छायीं। अबि वु अमन विहार सहस्त्रधारा, देरादूणम रैंणु छायीं। वु देरादूणम प्रॉपर्टी अर खनन कु काम करणु छायीं।

विक्रम शर्मा तैं आज सिल्वर सिटी मॉल जब वु जिम बिटि भैर आणु छायीं तबरि गोळि मारे ग्यायी। गोळि लगणा बात जब तैंवे अस्पताल लिज्यें ग्यायी, तब डॉगटर तैं मृत्य घोषित कै द्यायी। पुलिस ये मामला जांच करणि च।

बतै जाणु च कि विक्रम शर्मा जिम बटि भैर आणु छायीं, तबरि वैंतै तड़ातड़ गोळि मारे ग्यायी। गोळि मरण वला द्वी लोग पैदल विक्रमा नजीक पौंछिन अर वै फर गोळि मारि। एक मनखि ऊंकु मोटरसैकिल लेकैकि खडु़, ऊंकु इंतजार करणु छायीं। गोळि मरणा बात तिन्या मोटरसैकिल पर भाजि ग्यींन। खबर मिलणा बाद एसटीएफ मौका फर पौंछि अर जांच सुरू कायी।

राजधानी देरादूण मा एक हौरि हत्याकांड हूंण से देरादूणम घमाचूर ह्वेग्ये। आईजी गढ़वाल अर एसएसपी अजय सिहं मौका फर पौंछिन। पुलिसन सीसीटीवी मदत से जांच सुरू कायी अर हमला करण वलों की पछ्याण सुरु कै द्यायी।

अबि एक दिन पैलि देरादूणम गैस एजंेसी मालिक अर्जुन शर्मा तैं तिब्बती मार्केट मा गोळि मारे ग्यायी। यांका बाद पुलिसन गोळि मरण वला द्विया लोगु तैं पकड़ि याली। जांच मा या बात साबित ह्वेकि अर्जुना हत्या वैंकी ब्वे न अपणा दगड़िया दगड़ि 12 लाख रुप्या देकैकि करायी। पुलिसन तिन्या तैं पकड़िकि मामला कु खुलासा कायी।