मुख्यमंत्री धामिन ऋषिकेशम ट्रांजिट कैंप कु घप्प निरीक्षण कायी
मुख्यमंत्री धामिन आज ऋषिकेशम ट्रांजिट कैंप कु घप्प निरीक्षण कायी अर रजिस्ट्रेशन का बारम जाणकारी ल्यायी। ऐ मौका फर उन्न चारधाम जातरा फर अयां लोगु की पंजीकण, स्वास्थ्य जांच अर जातरियों कु रैंणा कु बन्दुबस्त बि देखि। मुख्यमंत्रिन यांका बारम जातरियों से जाणकारी बि ल्यायी।
मुख्यमंत्रिन ट्रांजिट कैम्प मा कूलर अर पाणि कु बन्दुबस्त अर हौरि सुविधा दिये जाणा का बारम अप्सरू तैं बोलि।
मुख्यमंत्रिन बोलि की चारधाम फर अयां जातरियों की सुरक्षा अर सुविधा हमरू पैलु काम च। मुख्यमंत्रिन ट्रांजिट कैंपा कर्मचारी अर अप्सरू दगडि छ्वीं लगैन अर सब कर्मचारियों तैं अपणु शरैल फर खास ध्यान देंणा सलाह द्यायी अर बोलिकि चारधाम जातरा म औंण वला जातरियों कु ‘अतिथि देवो भव’ की भावना से स्वागत करे ज्यां अर ऊंकी क्वीं दिक्कत कु झट से समाधान करे ज्यां।
मुख्यमंत्रिन जातरा मा अयां दाना लोगु से मुखाभेंट कायी अर ऊंकी आशीर्वाद ल्यायी। मुख्यमंत्रिन जारियों राजि-सुखी की खबर ल्यायी अर ऊंतैं चारधाम जातरा शुभकामना द्यायी।