उत्तराखण्ड का लोग देस-दुन्या का हरेक क्षेत्रम अपणु योगदान अर पछ्याण बणौंणा छन: सीएम धामी

मुख्यमंनी धामिन दून विश्वविद्यालय देरादूण मा उर्यूं प्रवासी उत्तराखण्डी सम्मेलन का मौका फर मीडिया दगड़ि बात कायी अर बोलिकि प्रदेस सरकार हरेक साल प्रवासी उत्तराखण्डियों का वास्ता सम्मेलन उर्यांद। जैमा देस- दुन्या मा रैंण वला उत्तराखण्डी भाग लिन्दन। यु सम्मेलन प्रवासी उत्तराखण्डियों तैं अपणि जलड़ों, गौं, संस्कृति अर विरासत से ज्वड़णा कु मौका दिंदन।

मुख्यमंत्रिन बोलिकि उत्तराखण्ड क प्रवासी भै-बैण्यौंन देस अर दुन्या का हरेक क्षेत्रम अपणि अलग पछ्याण बणाई। प्रदेस सरकार इन्न प्रवासियों तैं अपणा मूल गौं स औंणा का वास्ता न्यूतणि च। प्रवासी उत्तराखण्डी अपण गौं से जुड़णा छन अर गौं तैं गोद लेकैकि गौं कु विकास मा मदत करणा छा। उन्न बोलि या कोसिस अपणा जलड़ों अर सांस्कृतिक विरासत से जोड़णा का दगड़ि गौं कु विकास मा अपणि जिम्मेबरि निभौंणा छन।

मुख्यमंत्रिन बोलिकि प्रदेसम रिवर्स पलायन की दर 44 प्रतिशत बढ़िग्ये, या बात प्रदेसा वास्ता बौत अच्छी च। उन्न बोलिकि उत्तराखण्ड का लोग देस-दुन्या का हरेक क्षेत्रम अपणु योगदान अर पछ्याण बणौंणा छन।

प्रदेस सरकार चाणि च कि प्रवासी उत्तराखण्डी अपणा तर्जुबा, ज्ञान अर हुनर अर सुझौ का जरिया उत्तराखण्ड का विकास मा मदत कर्या।

मुख्यमंत्रिन बोलिकि प्रदेस मा शीतकालीन जातरा का वास्ता सबि त्यारि पूरि ह्वेग्यीन। उन्न बोलिकि श्रद्धालुओं से शीतकालीन जातरा मा औंणा की विनति कायी।

मुख्यमंत्रिन बोलिकि हम सेना बटि चार साल सेवा करणा बाद भैर औंण वला अग्निवीर तैं आरक्षण देंणा कु अपणु वादा तैं पूरू करणा छा। 40 वीं वाहिनी पीएसी न यांका वास्ता अपणि मंजूरि दे द्यायी। मुख्यमंत्रिन बोलि फौजि कु सम्मान हमरि परम्परा च।