12 जनवरी खूंणि युवा दिवस मन्यें जाळु : मुख्यमंत्री धामी
देरादूण। मुख्यमंत्री धामीन आज देरादूण मा राज्य स्तरीय युवा महोत्सव 2023 थैं सुरु कायी। ऐ मौका फर मुख्यमंत्री न साळ 2021-22 मा अच्छु काम करण वळा युवक मंगळ दल अर महिला मंगल दळु थैं राज्य स्तरीय विवेकानन्द यूथ अवॉर्ड से सम्मानित कायी।
मुख्यमंत्री न घोषणा कायी कि स्वामी विवेकानन्द क जन्मबार पर 12 जनवरी खूंणि राज्य व जिलों मा बि युवा दिवस मन्यें जाळु। मुख्यमंत्री न प्रदेस मा युवक अर महिला मंगल दळु तैं जिला योजना मा दियें जाणा वळा 4 हजार रुप्यौं थैं बढै़कि 5 हजार रुप्यौं करणा क घोषणा कायी।
मुख्यमंत्री न बोलि कि प्रदेस मा चयन ह्वैकि, जु खिल्वार राष्ट्रीय युवा महोत्सव मा प्रदेस क संस्कृति अर जस थैं अगनै बढ़ौंणा खूंणि अपड़ि कळा अर संस्कृति थैं दिखाळा, वु प्रदेस क ब्रांड एम्बेस्डर हमरि सांस्कृतिक क पछ्याण कराळा
मुख्यमंत्री न बोलि कि भारत देस आजादी कु अमृतकाल मा जाणु च। भारत थैं सबि तोकु मा अग्वाड़ी बणौंणा खूंणि ज्वान नौनु कु बौत बड़ी जिम्मेबरि च।
ऐ मौका फर खेल मंत्री श्रीमती रेखा आर्या, विधायक खजान दास, बृज भूषण गैरोला, निदेशक प्रान्तीय रक्षक दल जितेन्द्र सोनकर अर औरि ळोग छायीं।