योग गुरू बाबा रामदेव भि ळगाळा अब ‘कोरोना कु टीका’

UK Dinmaan

बाबा रामदेव भी ळगाळा कोरोना कु टीका। योग गुरू बाबा रामदेवळ भारत सरकारक टीकाकरण अभियानक् गुणगान कायी अर देस क सब्बि लुक्खु से ब्वाळ कि गटागट (जल्दी-जल्दी) टीका लगयाँ। उन्न सब्बि ज्वानु स्ये टीका लगौण का अपीळ कायी अर ब्वाळ कि मि भि जलदी ही टीका ळगौळु।

उन्न ब्वाळ कि योग कोरोना बिमारि से हूंण वळी दिक्कत से बचौंदु।

बाबाळ ब्वाळ कि प्रधानमंत्री नरेन्द्र मोदी 21 जून बटि सब्बि ज्वानु खूंणि कोरोना टीकाकरण अभियान, सरकारी अस्पातळु मा मुफत मा टीका लगौण क् घोषणा कैरि याळी। 21 जून बटि देस क सब्बि ज्वानों थैं मुफम मा टीका लगौण थैं उन्न ऐतिहासिक बतै।

उन्न ब्वाळ सब्बि मनखियों थैं टीका लगौण चैंद। दगड़ा-दगड़ उन्न ब्वाळ कि सब्बि लुक्खु थैं योग अर आयुर्वेद कु अभ्यास करण चैंद। बाबान ब्वाळ योग अर आयुर्वेद बिमारि से बचौणा कु खोळ च। इलै हमथैं योग करण चैंद।