बाबा श्यामा की कृपा से मि प्रदेस सेवा करणु छौ : धामी
मुख्यमंत्री धामिन आज विकासनगर देरादूणम श्री खाटू श्याम धाम मा प्राण प्रतिष्ठा महोत्सव कु मौका फर उर्यूं कार्यक्रम मा भाग ल्यायी।
ऐ मौका फर मुख्यमंत्रिन खाटु श्याम धाम मा पूजा कायी अर प्रदेसा रैवसी राजि खुसी रैंया या कामना कायी।
मुख्यमंत्री धामिन बाबा खाटु श्यामा प्राण प्रतिष्ठा महोत्सव पर सब श्रद्धालुओं तैं शुभकामना द्यायी अर बोलिकि बाबा खाटु श्यामा खुब महिमा च। उन्न बोलिकि बाबा खाटू श्याम हर मनखि तैं ज्यूंणा की तागत दिंदन।
जो सच्चु मन से बाबा तैं याद करदु, बाबा वैंकी हरेक मनोकामना तैं पूरि करदन।
मुख्यमंत्रिन बोलिकि बाबा खाटु श्याम प्राण प्रतिष्ठा महोत्सव मा अयीं या भीड़ बतौंणि च कि बाबा सब्यौं का ज्यूं मा बस्यां छन।
मुख्यमंत्रिन बोलिकि बाबा श्यामा की कृपा से मि प्रदेस सेवा करणु छौ। उन्न बोलि अगर जनता कु विस्वास अर आशीर्वाद बणिकि मि प्रदेसा सेवा करणु रौलु।
उन्न बोलिकि हमरि जिन्दगि मा जु बि हूंद भगवानै कृपा से हूंद।
ऐ मौका फर विधायक मुन्ना सिंह चौहान, भाजपा जिलाध्यक्ष मीता सिंह, नगर पालिका अध्यक्ष श्रीमती नीरू देवी, कुलदीप कुमार अर हौरि लोगु बि छायीं।