कु ह्वोलु उत्तराखण्ड मा नयूं मुख्य सचिव, द्वी छन दौड़ मा शामिल

देहरादुण। उत्तराखण्ड राज्य मा जुलाई कु मैना नौकशाही खुणि अहम च। किलैकि 28 जुलाई खुणि मुख्य सचिव उत्पल कुमार अपणि नौकरी पूरी करणा छन। जै कारण से सबुका आंखा मुख्यमंत्री पर लग्यां छन कि मुख्यमंत्री अगनै अब कैथैं मुख्य सचिव बणाळा।

हुंदू इन च कि आईएएस की कुर्सी काॅडर अर वरिष्ठता का आधार पर द्ये जान्दा लेकिन मुख्यमंत्री अपणु विवेक से भि फैसळा ले सकदन।

उत्तराखण्ड मा स्थिति इन च कि राज्य के 15 वें अर मौजुद सचिव उत्पल कुमार 28 जुलाई खुणि अपड़ी नौकरी पूरी करणा छन। ऊंँका बाद राज्य के 16 वां मुख्य सचिव कैळ हुण, वैथैं लेकैकि खुस्र-फुस्र हुणि बैठ्ग्यिा।

खबर त इन आणि च कि नैंय मुख्य सचिव वैथें बणायें जाळु जु उत्तराखण्ड का काडर बटि नि होळु लेकिन उत्तराखण्ड का रैवासी होळु। अगर इन ह्वाळ त या प्रदेश मा ऐतिहासिक बात ह्वैळि। आज तकत हमार प्रदेश मा हुन्द इन छायी कि राज्य क काडर का अधिकारियों थैं ही प्रमुख सचिव बड़ायें जान्दु छायी, जै से अधिकारियों का दगड़ मा नाराजगी न ह्वै। इनमा हम उत्तराखण्ड काॅडर में वरिष्ठता थैं द्ख्दा त उत्तराखण्ड काॅडर मा सबसे बडु़ आईएएस अनूप बधावन छन। 85 बैच का बधावन अबरि केन्द्र सरकार मा वाणिज्यक मंत्रालय में सचिव छन। बड़ी बात या च कि बधावन मुख्य सचिव उत्पल कुमार (86 बैच) से नौकरि का मामळा मा बड़ा छन लेकिन उम्र का मामळा मा 11 मैना छ्वट्टा छन।
आईएएस ऑफिसर्स मा या बात च कि नौकरि का मामळा मा अप्फु से छ्वट्टा जै कुर्सी पर बैठ जान्दु त बडु़ अफसर ऊंई कुर्सी पर बैैैठण नि चान्द। जै कारण से बधावन त मुख्य सचिव का पद पर बैंठण से रायी।

अब 86 बैच का रामास्वामी का नाम च। रामास्वामी कि उमर ज्यादा च अर उंकी नौकरी पैळि ही पूरी ह्वैग्यी।

त अब अपर मुख्य सचिव ओमप्रकाश (87 बैच) मुख्य सचिव की दौड़ मा पैलि नम्बर पर छन।

ओमप्रकाश काफी बगत बटि कई विभागों मा काम करणा छन। लेकिन ओमप्रकाश न त ईमानदार छन अर न ही ऊंकु काम कनकु तरिक ही साफ सुथरू च।

अब मुख्य सचिव कि दौड़ मा दुसरू नम्बर पर राधा रतूड़ी (88 बैच) च। अपर मुख्य सचिव राधा रतूड़ी अभि कार्मिक व सचिवाळय प्रशासन कु काम द्य्खिणी छन। इनमा अगर राधा रतूड़ी थैं मुख्य सचिव की जिम्मेबरी मिलदी त वा प्रदेश मा पैळि महिळा मुख्य सचिव ह्वोळि।

फैसला मुख्यमंत्री पर च कि क्या मुख्यमंत्री ओमप्रकाश थैं एक तरफ कैरिकै राधा रतूड़ी थैं मुख्य सचिव कि जिम्मेबरी द्याला। इनि बात अजकाळ चारों तरफ च हुंणि।

ह्वै त इन भि सकद कि मुख्यमंत्री उत्पल कुमार थैं तीन मैना अगनै तक काम करणा कि मंजूरी दे द्यावा। बस या खुडै़कि मुख्यमंत्री थैं केवल भारत सरकार की अनुमति ळिण प्वाड़ळी।

साभार : गढ़वाळै धै