उत्तराखण्ड 19 अप्रैल खूणि होलु मतदान

देरादूण। लोकसभा चुनौ 2024 तैं लेकैकि भारतीय निर्वाचन आयोग न घोषणा कै याली। लोकसभा चुनौक घोषणा बाद प्रदेस मा आचार संहिता लगिग्ये।

2024 लोकसभा चुनौ सात चरणु मा होलु। पैलु चरण 19 अप्रैल खूणि होल। जैमा लोकसभा क 102 सीटु पर। दुसर चरण 26 अप्रैल खूणि, जैमा 89 सीटु पर। तिसरू चरण 7 मई, जैमा 94 सीटु पर। चौथु चरण 13 मई, जैमा 96 सीट, पांचो चरण 20 मई जैमा 49 सीटु पर, छठौं चरण 25 मई, जैमा 57 सीटु खूणि अर आखिरी चरण 1 जून खूणि होलु, जैमा 57 सीटु खूणि मतदान होलु। वोटु क गितनी 4 जून खूणि होलि।

उत्तराखण्ड मा पैलु चरण मा 19 अप्रैल खूणि सबि पांच सीटु खूणि मतदान होलु।

उत्तराखण्ड मा कुल मतदाता छन – 83, 21,207 लाख जैमा आदिम – 43.08 लाख ब्युटला- 40.12 लाख, थर्ड जेंडर – 297, 85 साल से जादा क – 65177, ज्वान मतदाता-145202 त दिव्यांग मतदाता मतदाता- 79965 छन।