मतदान तारिख तैं लेकैकि भरम मतदान तारिख तैं लेकैकि भरम मा नी रयां मतदाता : निर्वाचन आयोगनीं रयां मतदाता: निर्वाचन आयोग
राज्य निर्वाचन आयोग उत्तराखण्डन साफ बोलि कि त्रिस्तरीय पंचैत चुनौ म मतदाना तारिख मा क्वीं फेरबदल नी करे ग्यायी। पंचैत चुनौ द्वी चरणु मा 24 अर 28 जुलै 2025 खुणि हि होलु।
आयोगन बोलि कि प्राकृतिक आपदा या हौरि कैबि आपात दसा म अगर पौलिंग स्टेशन या बूथम मतदान नीं होलु त इन्न मा मतदान करणा वास्ता दुबरा तारिख तय करे जाली। 20 जुलै की या चिट्ठी बि यांका बारम च। यां कु मतदान तारीख बदली हूंणा बारम नीं च। आयोगन मतदाताओं से विनति कायी कि मतदान तारिख तैं लेकैकि क्वीं भरम मा ना रयां।
आयोग सचिव राहुल कुमार गोयलन साफ कायी कि पैलि दा 24 जुलै 2025 खुणि कै बि पोलिंग स्टेशन अर बूथ मा मतदना नीं होलु त वख 28 जुलै 2025 खुणि अर इन्न 28 जुलै 2025 खुणि जै बि बूथम कैबि कारण से मतदान नीं ह्वे साकलु त 30 जुलै खुणि मतदान दुबरा मतदान होलु। उन्न बोलि मतगणना 31 जुलै 2025 खुणि हि होलि।