विधानसभा मा ह्वीं भर्ति क ह्वैली जांच

देरादूण। उत्तराखण्ड विधानसभा मा भर्ति क मामला मा ह्वीं गड़बड़ि मा अब मुख्यमंत्री धामी जांच करणा क बात ब्वना छन।

विधानसभा मा भर्ति क मामला मा ह्वीं गड़बड़ि क जांच करणा के बारा मा मुख्यमंत्री धामी न बोलि बल विधानसभा अध्यक्ष क दगड़ मा बात कैकि जांच कराणा क विनीति कर्यें जाली।

मुख्यमंत्री धामीन न बोलि विधानसभा एक संवैधानिक संस्था च, इल्लै ऐ मामला मा जांच खूंणि विधानसभा अध्यक्ष से बात कर्यें जाली। सरकार जांच मा अपड़ि तरफ बटि पूरि मदद कराली। उन्न बोलि हम भाजपा सरकार मा ह्वीं भर्ति हि न बल्कि पूरणि भर्ति क जांच कराणा क बारा मा भि स्वचणा छा।

बतै दियां बल पिछल सरकार मा 72 लोगुक भर्ति विधान सभा मा ह्वै छायीं। जैमा सब्यौं न अपड़ा-अपड़ा जाण पछ्याण वळों क नौकरि लग्यें ग्यें। विभानसभा मा 72 भर्तियों मा मंत्रियों क पीआरओ क घरवळि से लेकैकि नाता रिश्तेदारू क नौ हि न बल्कि भाजपा संगठन क महामंत्री अर राष्ट्रीय स्वयंसेवक संघ क लोगुक रिश्तेदारू के नौ भि छन।