विधानसभा अध्यक्षा ऋतु खंडूडी न कोटद्वार बेस अस्तपाल कु बन्दबस्त देखि
कोटद्वारः विधानसभा अध्यक्षान कोटद्वार बेस अस्तपाळ मा घप्प से जैकि देखि बन्दबस्त।
विधानसभा अध्यक्षा न मुख्य चिकित्सा अधिकारी थैं बोलि कि साफ सफै फर साख ध्यान दियें ज्यां। विधानसभा अध्याक्ष न दूबरा अस्पताल थैं दय्खणा क बात भि बोलि।
विधानसभा अध्यक्ष ऋतु खण्डूड़ी आज अचाणचक कोटद्वार बेस अस्पताल माा पौंचि ग्यें। ऊंका दगड़ मा मुख्य चिकित्सा अधीक्षक अर अस्पताळा क सबि अधिकारी भि छायीं। उन्न अस्पताल मा भर्ति मरीजु क दगड़ मा छ्वीं लगें अर उंकी बीमरि क बारा मा पुच्छि।
ऐ मौका फर विधानसभा अध्यक्षा न अस्पताल कु बन्दबस्त थैं औरि सजिलु बण्यें जाणा क बारा मा अधिकारियों खूंणि बोलि। उन्न अस्पताल मा सफै कु बन्दुबस्त देखि। जैका बाद उन्न सफै कु बन्दबस्त थैं दय्खण वळा अधिकारी थैं लताड़ भि लगें। विधानसभा अध्यक्षा न सर्जिकल वार्ड, आईसीयू, अर डेंगू वार्ड कु भि बन्दबस्त थैं देखि।
विधानसभा अध्यक्षा न अस्पताल मा भर्ति मरीजु क दगड़ मा छ्वीं बत्था लगें कि उंकी बीमरि अर दिकदारि क बारा मा पुच्छि।