एआरटीओ हरद्वार अर एसआई प्रवर्तन मुकेश वर्मा कु लड़ैं कु वीडिया सोशल मीडिया मा ह्वै वायरल
हरद्वार। सोशल मीडिया मा एक वीडिया खूब वायरल हूंणू च। वीडियो मा एआरटीओ रत्नाकर सिंह अर एसआई प्रवर्तन मुकेश वर्मा क दगड़ एक दूसर तैं घपकौणा (मारना) छन।
वीडिया इत्वार कु बत्यें जाणु च अर घटना बि एआरटीआ दप्तर क बत्यें जाणि च। यीं वीडियो मा एआटीओ रत्नाकर सिंह अर एसआई मुकेश वर्मा क बीच मा झगड़ा हूंणू च। अर एआटीओ रत्नाकर सिंह मुकेश वर्मा तैं गाली देंणा अर घपकौणा (मारना) छन। वीडियो मा हौरि पुलिस वला बि दिख्येणा छन।
एआरटीओ रत्नाकर अर एसआई मुकेश वर्मा क बीच मा झगड़ा किलै हूंणू च अबि यीं बातिकु पता नी चलि। वीडिया सोशल मीडिया म खूब वायरल हूंणू च अर लोग बनि-बनि क छ्वीं लगौंणा छन।
वखि हरद्वार जिलाधिकारी न बोलि कि वीडियो क बारा मा पता चलिग्यें। वीडियो क जांच कर्यें जाणि च कि इन्न किलै ह्वै। उन्न बोलि कि हरद्वार एडीएम तैं मामला मा जांच करणा आदेश देयाली।