उपराष्ट्रपति न करिन बाबा नीम करौली महाराजन दर्शन
देरादूण। उत्तराखण्ड अयां उपराष्ट्रपति न आज कैंची धाम मा पौंछिकि बाबा नीम करौली महाराजन दर्शन करिन। ऐ मौका पर उप राष्ट्रपति क दगड़ि वुंकी घरवलि अर नौनु बि छायीं।
उपराष्ट्रपति हल्द्वानी कैंट हेलीपैड पर पौंछिन जख राज्यपाल लेफ्टिनेंट जनरल गुरमीत सिंह न उंकु स्वागत कायी। यांका बाद उपराष्ट्रपति कैंची धाम चलिग्येन।
कैंची धाम दर्शन करणा बाद उपराष्ट्रपति गोविंद बल्लभ पंत कृषि विश्वविद्यालय पंतनगर म नेशनल एग्रीकल्चर हायर एजुकेशन प्रोजेक्ट भवन मा उर्यूं कार्यक्रम मा सामिल हूंणा बाद दिल्ली पैटिग्येंन।
मंदिर समिति न बतै कि उपराष्ट्रपति तैं बाबा क जिन्दगि क बारम बतै ग्यायी। उपराष्ट्रपति न बोलि कि उत्तराखण्ड देवभूमि म बाबा दर्शन कैकि बौत अभिभूत छौ। इन्नि जगा म ऐकी ज्यूं अर आत्मा तैं शान्ति मिलदि।