1 जून बिटि पर्यटकु खूणि ख्वलें जाली फुळु क् घाटी
सर्या दुन्यम प्रसिद्ध फुळुक् घाटी ट्रैक 1 जून बिटि पर्यटकु खूणि ख्वलें जाला। फुळु क् घाटी का बौत फुळ सर्या दुन्यम प्रसिद्ध च।
फुळु क् घाटीम दुर्लभ हिमालय वनस्पति अर जैव विविधता कु खजानु च। यख 500 से जादा प्रजाति का रंग बिरंगा फुळ खिलदन। फुळु क घाटी बिटि टिपरा ग्लेशियर, रताबन चोटी, गौरी अर नीलगिरी पर्वत बिगरैलुपन दिख्येंन्द।
उप वन संरक्षक बी.बी. मर्तोलियन बतै कि फुळु क् घाटी 30 अक्टूबर तक खूलि राली अर पर्यटकु क पैलु जत्था 1 जून खूणि घांघरिया बेस कैम्प बिटि जालु। अर वै दिन हि बेस कैंप घांघरिया वापिस औंण प्वाड़लु।
फुळु क् घाटी ट्रैकिंगम जाण वला देसा रैवासी बिटि 200 रुप्या अर विदेसी नागरिक बिटि 800 रुप्या ईको ट्रैक शुल्क लिए जालु ।