उत्तराखण्ड राज्य आन्दोळनकारी मंच न शहीद स्मारक मा कायीं बैठक

देरादूण। उत्तराखण्ड राज्य आन्दोळनकारी मंच न आज शहीद स्मारक मा एक बैठक उरयाईं। बैठक मा मुख्यमंत्री क द्वी घोषणा का बारा मा अगने की रणनीति क्या ह्वेळी यां बात पर चर्चा ह्वैं।

बैठक कु संचाळन पूरण सिंह लिंगवाळ न अर अध्यक्षता प्रदेश अध्यक्ष जगमोहन सिंह नेगी न कायी।

बैठक मा जगमोहन सिंह नेगी ब्वाळ कि सरकार क घोषणा करणा का बाद भि अब्बि तक शासनादेश जारी नि कायी अर न हि सम्मान परिषद कु गठन कायी। उन्न ब्वाळ कि 10 प्रतिशत आरक्षण पर भि सरकार चुप्प च जै कारण से सरकार पर सवाळ खड़ा हूंणा छन।

वेद प्रकाश शर्मान ब्वाळ कि सरकार न पूरा पांच साळ उन्नि निकाळि दीं। अब बस तीन मैना बच्यां छन, त सरकार घोषणा कैरिक आन्दोळनकारियों थैं केवळ अर केवळ भटकौंणा क काम करणि च।

बैठक मा सब्बियों न आन्दोळनकारियों क चिन्हिकरण खूंणि जिळा मा कमेटी बण्यें जाणा क मांग कायी।

बैठक मा यू तय ह्वै कि 11 सितम्बर खूंणि गांधी पार्क मा सुबेर 11 बजि बटि राज्य आन्दोळनकारियों क चिन्हीकरण खूंणि शासनादेश जारी करणा, जिळा स्तरीय कमेठी बणौंण, अर सम्मान परिषद कु गठन करणा, 10 प्रतिशत आरक्षण क दगड़ा-दगडि सामान पेंशन क मांग खूंणि धरना दियें जाळु।

बैठक मा बैठक में जगमोहन सिंह नेगी, धीरेन्द्र प्रताप, महेन्द्र रावत, वेद प्रकाश शर्मा, प्रदीप कुकरेती, विक्रम भण्डारी, डी एस गुंसाई, रुपम पोखरियाल, युद्धवीर चौहान, पूरण सिंह लिंगवाल, रामलाल खंडूड़ी, सुरेश नेगी, जबर सिंह पावेल, प्रभात डण्डरियाल, जगदीश कुकरेती, सुशील विरमानी, राजेश पान्थरी, मोहन सिंह खत्री, दिवाकर उनियाल, पुष्पलता सिल्माणा, सुलोचना भट्ट, राधा तिवारी, उर्मिला शर्मा, लक्ष्मी बिष्ट, सरोज रावत, देवेश्वरी रावत, शकुन्तला रावत, बीना बहुगुणा, सुलोचना गुंसाई, सुशीला अमोली, हेमलता, विशेस्वरी रावत, पुष्पा खत्री, कमला जायसवाल, निर्मला बर्थवाल, मनोरमा कोट्नाला, महेश्वरी कंडारी, मंजू भट्ट छायीं।