उत्तराखण्ड कु विकास बल भाजपा क राज मा हि ह्वै सकदु : योगी

चंपावत । चंपावत विधानसभा उपचुनौं मा उत्तरप्रदेस क मुख्यमंत्री योगी आदित्य नाथ न आज छंचर (शनिवार) खूंणि उत्तराखण्ड क मुख्यमंत्री धामी खूंणि प्रचार कायी।

ऐ मौका पर योगी न ब्वाल कि 31 मई खूंणि चंपावत मा नै इतिहास बणलु। उन्न बोलि कि जनता सांसद, विधायक अर प्रधान थैं चुनौं मा जितान्द लेकिन चंपावत क रैवासियों मुख्यमंत्रीक चुनौ करणा छन।

योगी न बोलि क उत्तराखण्ड कु विकास भाजपा कह कैरि सकदि। भाजपा न जु बोलि, वु कायी, जो ज्वां ब्वालालि, वु कारली। उत्तराखण्ड राज्य मा पुष्कर सिंह धामी अर भाजपान एक मॉडल दें।

उन्न बोलि उत्तराखण्ड के सुपिन पूरा ह्वै सक्यां या खूंणि पुष्कर सिंह धामी जन ज्वान बौत जरूरी छन।

उन्न बोलि नि उत्तराखण्ड जब अपड़ि जात्रा का 25 साल पूरा कराळु तब वैथैं समळौण्या खूंणि चम्पावत मा बौत कुछ ह्वालु।

उन्न बोलि कि चंपावत थैं विकासका वाटों अर नै ऊंचै मा लिजाणा अर मुख्यमंत्री धामी दगड़ा जुड़िक ऊथैं भारी मतों से जिताण खूंणि हम सब थैं अगने आणा चैंण। योगीन न बोळि कि भाजपा के बड़ा-बड़ा नेता पैलि चुनौं प्रचार मा खटीमा ज्वां हूंदा त आज बात कुछ औरि हूंदि।