मुख्यमंत्रिन उत्तरांचल प्रेस क्लबा नैं कार्यकारणी तैं दिलै सौं

मुख्यमंत्री धामी आज सर्वेचौक मा आईआरडीटी सभागार मा उर्यूं उत्तरांचल प्रेस क्लबा नै कार्यकारणिक सौं कु कार्यक्रम मा शामिल ह्वेन।

मुख्यमंत्रिन मीडिया तैं लोकतंत्र कु चौथ स्तंभ बतै अर बोलि कि प्रेस प्रतिनिधियों तैं समाचार इक्कट्ठा करणु वास्ता प्रदेदस हरेक मदद किये जाणि च। उन्न बोलि पत्रकारु क मददा वास्ता पत्रकार कल्याण कोष कॉर्पस फंडा रुप्यौं तैं बढ़ये ग्यायी। उन्न पत्रकारू वास्ता समूह बीमा योजना सुरु करणा खुणि अधिकारियों तैं निर्देश दियग्येन।

उन्न बोलि जू दूर दराज बिटि औंण वाला पत्रकारु तैं वासा रैंणा बन्दुबस्त करे जालु।

मुख्यमंत्रिन बोलि कि उत्तराखण्ड राज्य आन्दोलन मा मीडिया लोगु क अवाज बणि। उन्न बोलि उत्तरांचल प्रेस क्लब बौत अच्छा अर लोगु भलै वास्ता काम करिन।

मुख्यमंत्रिन बोलि कि उत्तराखण्डा विकास म सबि लोग मदत कायी यां खुणि हमरि सरकारन बौत बढ़ा बढ़ा काम करनि।
उन्न बोलि सरकार प्रदेस विकास वास्ता काम करणि च।
मुख्यमंत्रिन बोलि कि उत्तराखण्ड प्रवासी अपणि मूल जलड़ों से जुड्यां अर अपणु प्रदेस , गौं अर समाजा वास्ता अपणु तरफां बिटि जतगा ह्वे सक्यां मदत कर्यां। उन्न बोलि यांका वास्ता 12 जनवरी खुणि प्रवासी उत्तराखण्डी सम्मेलन उर्यें जाणु च।
ऐ मौका पर त्रिकार गिरीश भण्डारी तैं श्रद्धांजलि दिये ग्यायी।

ऐ मौका पर उत्तरांचल प्रेस क्लबा संस्थापक सदस्य डॉ. देवेंद्र भसीन, महानिदेशक सूचना बंशीधर तिवारी, प्रेस क्लबा महामंत्री सुरेंद्र डसीला, उपाध्यक्ष अभिषेक कुमार मिश्रा, उत्तरांचल प्रेस क्लब पैल्यका अध्यक्ष नवीन थलेड़ी, विकास धूलिया, चेतन गुरुंग अर अजय राणा अर प्रेस क्लबा पदाधिकारी छायीं।