उत्तरांचल प्रेस क्लब : अजय राणा अध्यक्ष अर विकास बणि महामंत्री

देरादूण। उत्तरांचल प्रेस क्लब क नै कार्यकारिणी कु चुनौ मा अजय राणा अध्यक्ष अर विकास गुसैं महामंत्री बणिग्यीं। त वखि संयुक्त मंत्री (ब्यटुळा) मीना नेगी जीति ग्यीं औरि पदु मा सभि पदाधिकारी सब्यौं क सहमति न निर्विरोध ह्वीं।

उत्तरांचल प्रेस क्लब क समाभागार डॉ पीताम्बर दत्त बड़थ्वाल सभागार मा उत्तरांचल प्रेस क्लब क साल 2023 खूंणि नै कार्यकारणि कु चुनौ डॉ. देवेन्द्र भसीन, सहायक चुनाव अधिकारी कुंवर राज अस्थाना अर राजीव उनियाल न कर्यें। 300 सदस्यु मा बटि 257 न वोट दे। अध्यक्ष पद मा भूपेन्द्र कण्डारी अर अजय राणा, महामंत्री पद मा विकास गुसैं व सुलोचना पयाल व संयुक्त मंत्री (ब्यटुळा) पद मा मीना नेगी अर प्रभा वर्मा मैदान मा छायीं।

जैमा अध्यक्ष पद कु मुकाबला मा अजय राणा आठ बोटुन जीति ग्यीं। अजय राणा थैं 131 अर भूपेन्द्र कण्डारी थैं 123 बोट प्वड़िन। महामंत्री पद मा विकास गुसैं थैं 192 अर सुलोचना पयाल थैं 54 बोट प्वड़नि।
संयुक्त मंत्री (ब्यटुळा) मा मीना नेगी थैं 194 अर प्रभा वर्मा थैं 41 बोट प्वड़नि। यांका अलाव कार्यकारणि क नौ पदु मा शंकर पाण्डे 200, मंगेश कुमार 184, प्रवीन बहुगुणा 178, विनोद पुंडीर 166, लक्ष्मी विष्ट 166, भगवती 161, रामअनुज 157 बालम सिंह तपोवाल 157, मोहम्मद फहीमा तन्हा थैं 146 बोट प्वड़नि।

जबकि मोहम्मद असद खान को 121 बोट प्वड़नि। या सै पैळि नै कार्यकारणि मा रश्मि खत्री वरिष्ठ उपाध्यक्ष, दरबान सिंह कनिष्ठ उपाध्यक्ष, मनीष भट्ट कोषाध्यक्ष, राजीव थपलियाल संयुक्त मंत्री अर मनोज जयाड़ा सम्प्रेक्षक पदु मा निर्विरोध निर्वाचित ह्वै।