उत्तराखण्ड, निकाय चुनौ का रस्ता ह्वे साफ , ओबीसी आरक्षण तैं मिलि राजभवन बिटि मंजूरी
उत्तराखण्ड मा निकाय चुनौ का रस्ता साफ ह्वेग्ये। मंगलबार खुणि नगर निकायु मा ओबीसी आरक्षण कु अध्यादेश तैं राजभवन बिटि मंजूरि मिलिग्ये। अब एक मैना मा निकाय चुनौक अधिसूचना जारी ह्वे सकदि। अब प्रदेसम अध्यादेसा अधार पर आरक्षण लागू करणा प्रक्रिया सुरु ह्वे जाली।
बतै दियां कि पिछल दिनु विधि विभागन निकाय चुनौ का वास्ता अध्यादेसा मंजूरि दे छायीं अर अध्यादेश तैं राज्यपाला मंजूरि वास्ता राजभवन भेजि छायीं।
निकाय चुनौ सबसे बडु झंगज्याट (बाधा) ओबीसी आरक्षण हि छायीं। अब राज्यपाला मंजूरि बाद प्रदेसम निकाय चुनौ कु रस्ता साफ ह्वेग्ये।