उत्तराखण्ड त्रिस्तरीय पंचैत चुना, द्वी चरणु मा होला

हरद्वार जिला तैं छोड़िकि प्रदेसा 12 जिलों मा त्रिस्तरीय पंचैत चुनौ की अधिसूचना जारी ह्वेग्ये।
उत्तराखण्ड शासना तरफां बिटि चुनौ की अधिसूचना जारी हूंणा बाद राज्य निर्वाचन आयोगन आज छंचर खुणि प्रेसवार्ता कायी।
राज्य निर्वाचन आयुक्त सुशील कुमारन बतै कि राज्य सरकारा तरफां बिटि आरक्षण प्रक्रिया पूरि करणा बाद राज्य निर्वाचन आयोग तैं भ्यजीं छायीं। इन्न मा पंचायती राज सचिवा तरफां बिटि चुनौ की अधिसूचना 21 जून खुणि जारी हूंणा बाद अब जिला निर्वाचन अधिकारी 23 जून खुणि चुनौ की अधिसूचना जारी कराला। जारी अधिसूचना म प्रदेसम द्वी चरणु मा पंचैत चुनौ करयें जाला अर 19 जुलै खुणि मतगणना होलि।

राज्य निर्वाचन तरफां बिटि अधिसूचना जारी हंूणा बाद प्रदेसम पंचैत चुना की मतगणना हूंण तक आचा र संहिता लागू ह्वेग्ये। उत्तराखण्डा क 12 जिलों म पंचैत हूंणा। जैमा 89 विकासखण्ड अर 7499 ग्राम पंचैत मा चुनौ हूंणन। प्रदेसा 12 जिलों मा 66 हजार 418 पद पर चुनौ हूंणन । जैमा सदस्य ग्राम पंचैता 55 हजार 587 पद, प्रधान ग्राम पंचैता 7499 पद, सदस्य क्षेत्र पंचैता 2974 पद अर सदस्य जिला पंचैत का 358 पदों पर चुनाव हूंणन। हरद्वार जिला तैं छोड़िकि प्रदेसम कुल 66 हजार 418 पदु पर चुनाव हूंणन। जैका वास्ता प्रदेसम कुल 8276 मतदान केंद्र अर 10 हजार 529 मतदान स्थल बण्यें ग्यीन।

राज्य चुनाव निर्वाचन आयोगा नुसार प्रदेसा 12 जिलों मा मतदाताओं की संख्या 47 लाख 77 हजार 72 च। जैमा 24 हजार 65 हजार 702 कजै त 23 लाख 10 हजार 996 ब्यटुला मतदाताऔं का दगड़ि 374 हौरि मतदाता बि छन।

साल द्वि हजार उन्नीसा मुकाबला साल 2025सम मतदाताओं की संख्या 10.57 फीसदी जादा ह्वेग्ये। मतबल 4 लाख 56 हजार 793 मतदाता हौरि बढि ग्यींन।