10 से 14 नवंबर तक उर्यें जालु ‘उत्तराखण्ड राज्य युवा महोत्सव’

खेल मंत्री रेखा आर्यन उत्तराखण्ड राज्य युवा महोत्सव क बाराम बैठक कायी। यीं बैठकम उन्न बोलि कि राष्ट्रीय खेलु कु प्रचार-प्रसार खुणि प्रदेसा खेल पिट्टू, मुर्गा झपट अर मलखम कु प्रदर्शन करे जालु।
खेल मंत्रिन बतै कि ज्वानु तें इनोवेटिव प्रतिस्पर्धाओं वास्ता अगनै ल्याणा उद्देश्य से उत्तराखण्ड म 10 से 14 नवंबर तक परेड गिरोड़ देरादूणम राज्य युवा महोत्सव उर्ये जाणु च। उन्न बतै युवा महोत्सव तैं मुख्यमंत्री सुरु कराला।

खेल मंत्री न बोलि कि उत्तराखण्ड रजत जयंती बरसम प्रवेश करणु च। ऐ मौका पर राज्य युवा महोत्सव उर्ये जाणु च। युवा महोत्सव म प्रतियोगिता उर्यौंण से प्रदेस संस्कृति अर प्रदेसम हूंण वला 38 राष्ट्रीय खेला प्रचार-प्रसार बि होलु।

उन्न बोलि कि यां से प्रदेसा ज्वान खेलु क दगड़ा-दगड़ि इन्नोवेटिव प्रतिस्पर्धाओं तैं बि प्रोत्साहित होला।

एक मौका पर निदेशक खेल प्रशांत आर्य, संयुक्त निदेशक अजय अग्रवाल छायीं।