उत्तराखण्ड रोजवेज मा म्यूजिक सिस्टम लगौण पर ह्वैली करवैं

देरादूण। उत्तराखण्ड परिवहन निगम ने रोडवेज क बसु मा म्यूजिक सिस्टम लगौण पर रोक लग्यें द्यायी। ऐ बारामा निगम मुख्यायल न सब्बि डिपो क सहायक महाप्रबन्धकु थैं चिट्ठी ल्येखिक याली।

परिवहन निगम क अपड़ि चिट्ठी मा लेखि कि रोडवेज बसु मा म्यूजिक सिस्टम लग्या हूंणा क कारण जात्रियों थैं बस बटि उतरण दा बस थैं रक्वणा मा बौत परेसानी हूंद। यात्रियों थैं बस मा डरैबर अर कंडक्टर थैं अपडु रैबार देंणा मा दिक्कत हूंद अर निगम यूं भि मानी कि अपडु मोबाइल इसतमाल करणा मा भि जात्रियों थैं दिक्कत हूंद त बौत डरैबर अर कंडक्टर बस मा ईयर फोन लग्यें कि भि गाणा सुण्दिन या सै भि जात्रियों थैं दिक्कत हूंद।

निगम न यू भि मानी कि म्यूजिक सिस्टम लग्यूं हूंण क कारण डरैबर अर कंडक्टर कु ध्यान जात्रियों थैं गाड़िमा बिठौंणा मा कम हि रैन्दू।

इन्न सबि थैं देखिक उत्तराखण्ड परिवहन मा म्यूजिक सिस्टर अर ईयर फोर मा गाणा सुणणा पर रोक लग्यें ग्यायीं। परिवहन निगम क महाप्रबन्धक संचालन अर तकनीकी दीपक जैन ने बोलि कि 27 दिसम्बर 2016 अर यांका बाद भि कै बार चिट्ठी लेखिक बतयें ग्यायीं लेकिन अधिकारी कुई ध्यान हि नि दिंदन।

उन्न सबि अधिकारियों थैं निर्देश दीं कि वु डिपो निरीक्षण रोड पर चैकिंग करणा दा ई बातिक ध्यान रख्यां। अर अपड़ा डिपों मा सबि उप अधिकारियों जन्न फोरमैन, स्टेशन प्रभारियों अर समय पाल थैं भि डरैबर कंडक्टरू थैं ऐ बारा मा बतणा खूंणि बोलि। उन्न सबि अधिकारियों थैं बोलि कि ऐ आदेश झट्ट से रोक लग्यें जयां।