यूकेडी न एनआरआई विजय वात्सल्य क कतल पर खड़ा करिन सवाल, बोलि सरकार अर पुलिस चुप किलै च

देरादूण। उत्तराखण्ड क्रांति दल न आज पार्टी क कार्यालय क प्रेस वार्ता कायी। ऐ प्रेस वार्ता मा यूकेडी के केंद्रीय मीडिया प्रभारी शिव प्रसाद सेमवाल न बोलि यु उत्तराखण्डा निखणि च 84 साळ कु बुढ़या तैं निसाब खूंणि देय्ळी-देय्ळियों मा भटकण प्वड़नु च। सेमवाळन बोळि कि जब पुलिस बुढ़या बुबा कु एफआईआर बि नीं लिखि सकणि च, त वै सै निसाबा क उमैद कन कैकि कर्यें जै सकदन। उन्न बोलि कि एक अंतराष्ट्रीय मनखि जु नासा मा फाइनेंसियल एडवाइजर छायीं, वैकु कतल ह्वै जान्द अर प्रदेस सरकारा कन्दूण बन्द अर आंखा बुझयां छन।

यूकेडी क केन्द्रीय प्रवक्ता अनुपम खत्री न बोलि कि उत्तराखण्ड क्रांन्ति दल प्रमोद वात्सल्य क दगड़ खडु़ च अर ऊतैं निसाब दिलौंणा क लड़ै मा उंका दगड़ च।

प्रमोद वात्सल्य न मीडिया मा बतै कि वु पुलिस अर प्रशासन तैं अपड़ि सुरक्षा तैं लैकैकि विनती करणा छन पर पुलिस प्रशासन न त मिथैं सुरक्षा देंणु च अर ना हि मेरी बात सूंण अर समझणा खूंणि त्यार च। सबि सबूत अर गवाह हूंणा क बाद भि म्यार नौना क कतला क एफआईआर नीं लिखें जाणि च।

प्रदेस क मुख्यमंत्री तैं ऐ मामळु मा उन्न चिट्ठी लेखि पर अर बोलि कि म्यारु नौनु विजय कुमार अमेरिका कु रैवासी च। विजय कुमार वात्सल्य 2011 मा अमेरिका बटि उत्तराखण्ड ऐ। अर वैन यख बौत जमीन जैदाद मुल्यें। उन्न बोलि कि ऋषिकेश मा भि एक मकान बेचीं। उन्न बोलि कि ऊंकी ब्यारी सुनीता अर ब्वारी क भतीजु न मिळिकि विजय क करोड़ों रुप्यौं कु जैदाद क कारण विजय कु कतळ क साजिस कायी। उन्न बोलि ब्यारी सुनीता अर वींकु भतीजा न विजय तैं दूद मा मिटठु जहर द्यायी अर 25 दिसम्बर 2022 खूंणि बिजळी कु करंट बि द्यायी। जै सै उंकु नौनु टुणपट ह्वैग्यंें। जैका बाद उन्न सबूत मिटौंणा खूंणि टुणपट शरैळ तैं झटाझट जागै (जला) दे। उन्न बोलि कि ब्यारी न विजय क जैदाद थैं हड़पणा खूंणि वैकु कतल कै दे। उन्न बोलि कि जब ऐ मामळु मा वु पुलिस महानिदेशक मा पौंचि त उन्न ऐ मामळा मा वुकीं क्वीं मदत नीं कायी।

प्रेस वार्ता मा यूकेडी शिवप्रसाद सेमवाल, उत्तरा पंत बहुगुणा, राजेन्द्र पंत, अनुपम खत्री, प्रमोद वात्सल्य अर राम कुमार खत्री छायीं।