सरकार, उत्तराखण्ड तैं दुन्या की आध्यात्मिक राजधानी बणौंणा दिसा मा काम करणि च : CM धामी

मुख्यमंत्री धामिन आज रुड़की म जीवनदीप आश्रम मा उर्यूं पांव दिनकु धार्मिक अर सामाजिक महोत्सव मा भाग ल्यायी। ऐ मौका फर उन्न पद्मभूषण ब्रह्मलीन स्वामी सत्यमित्रानंद गिरी जी महाराज तैं श्रद्धासुमन अर्पित कायी।

मुख्यमंत्रिन संत-महात्माओं कु स्वागत कायी अर बोलिकि संत समाज जीवन्त तीर्थ कु समान हूंदन, जु समाज तैं सचै का बाटा पर चलणा खुणि प्रेरित करदन। उन्न बोलि कि जीवन दीप सेवा न्यास कुु ये महोत्सव मा शतचंडी महायज्ञ, श्री भक्तमाल कथा, 1100 नौनियौं कु पूजन, पाठ्य सामग्री बंटण कु अर पांच नौनि कु ब्यो जन्ना आध्यात्मिक अर सामाजिक काम समाज तैं सेवा भाव कु रैबार दिंणु च। उन्न स्वामी सत्यमित्रानंद गिरी सभागार, श्री सिद्धबली हनुमान द्वार अर शहीद चौक कु बि लोकार्पण कायी। उन्न बोलिकि की शहीद चौक, हमरा अमर बलिदानियों कु सास अर देसभक्ति कु स्मारक च, जु औंण वलि पीढ़ि तैं प्रेरित कारलु। मुख्यमंत्रिन या घोषण कायी कि मुख्य मार्ग बिटि सुनहरा मार्ग चौराह कु नौ शहीद चौक कु नौ दिये जालु। मुख्यमंत्रिन बोलिकि सर्या दुन्यम भारत की सनातन संस्कृति कु मान खळाखळ बढ़णु च। उन्न बोलि कि प्रदेस सरकार उत्तराखण्ड तैं विश्व दुन्या की आध्यात्मिक राजधानी बणौंणा दिसा मा काम करणि च। प्रदेस म केदारखण्ड अर मानखण्ड मंदिर तोक कु सौंदर्यीकरण दगड़ि यमुनातीर्थ, हरद्वार, ऋषिकेश कॉरिडोर, शारदा कॉरिडोर, दून विश्वविद्यालय मा सेंटर फॉर हिन्दू स्टडीजा स्थापना जन्न काम करिन।

मुख्यमंत्रिन बोलिकि प्रदेस सरकार सांस्कृतिक मूल्य अर सामाजिक ढांचा की रक्षा करणा वास्ता खडु च। यांका वास्ता हमन प्रदेसम कटकुटु कानून बणै। नकल विरोधी कानून लागू कायी। मदरसा बोर्ड तैं खतम करण कु फैसला ल्यायी। उन्न बोलि सनातम धर्म तैं बदनाम करणा वास्ता सरकान ऑपरेशन कालनेमि चलै।

मुख्यमंत्रिन बोलिकि उत्तराखण्ड सरकार ‘विकल्प रहित संकल्प’ क दगड़ि प्रदेस तैं सर्या देसम सबसे अगनै कु प्रदेस बणौंणा कोसिस करणि च।