जैश ऐ मोहम्मद न हरद्वार, ऋषिकेश अर चारधाम मा बम फ्वड़ना क द्यायी धमकी

हरद्वार। जैश-ऐ-मोहम्मदा क एक चिट्ठी हरद्वार रेलवे स्टेशन थैं मिलि जै मा 25 अर 27 तारिख खूंणि हरद्वार, ऋषिकेश अर चारधाम मा बम धमाका करणा क धमकी दियेग्यें।

हरद्वार मा कै बार त्योवार क बगत इन्न धमकी आतंकी संगठन क तरफ बटि मिलिणि रैंदन। जीआरपी हरद्वान न पुलिस न अज्ञात मनखि क खिलाफ मुकदमा दर्ज कै याली।

बतै दियां कि 10 सालु बटि लगातार त्योवारु मा हरद्वार मा आतंकी संगठनु त तरफ बटि बम फ्वड़ना क चिट्ठिी मिलणि रैन्दनं। इनि एक चिट्ठी बग्वाल से पैलि जैश ऐ मोहम्मद क एरिया कमांडर क तरफ बटि हरद्वार क स्टेशन अधीक्षक एम के सिंह थैं मिळि।

जैश ए मोहम्मद क चिट्ठी मा 25 अक्टूबर मा हरद्वार ऋषिकेश अर 27 अक्टूबर खूंणि चारधाम मा एक दगड़ बम फ्वड़णा क चुनौति दें । चिट्ठी मा पुलिस क बड़ा अधिकारी न हरद्वार, ऋषिकेश हि न चर्यां धामु क सुरक्षा भि बण्यें याली।