ह्यूंद क मैनों मा जातरि फर आण वला जातरियों थैं सबि सुविधा असनि से मिलण चैंदन : सतपाल महाराज

देरादूण। ह्यूंद क मैना मा प्रदेस म पर्यटन थैं बढ़ौंवा देंणा क कोसिस साल 2014 मा कर्यें ग्यें छायीं। ऐसु क साल भि ह्यूंदि क मैनों मा प्रदेस मा जातरि थैं सबि सुविधा असनि से मिळि सक्यां एक बारा मा आज पर्यटन मंत्री सतपाल महाराजन पर्यटन विभाग अधिकारियों क बैठक कायी अर जातर क त्यारि क बारा मा जानकारि ल्यें।

गढ़ी कैन्ट मा उत्तराखण्ड पर्यटन विकस परिषद के सभागामर मा एक बैठक मा पर्यटन मंत्री सतपाल महाराजन बोलि कि चारधाम कु द्वार बन्द हूंणा क बाद मां गंगोत्री क ह्यूंद प्रवास मुखबा, यमुनोत्री क खरसाली, केदारबाबा क ऊखीमठ अर भगवान बदरीनाथ धाम के जोशीमठ पांडुकेश्वर मा रैन्दन। इन्न मा सरकार क कोसिस चारधाम क ह्यूंद क प्रवासु पर हूंण चैंद।

पर्यटन मंत्री न बोलि कि अबि तक चारधामा मा 42 लाख तीर्थ जातरि दर्शन करि याली। कपाट बंद हूंण तक करीब 45 लाख तीरथ जातरियों क आणा क उमेद च। इन्न मा ऐसु क साल चारधाम बौत बड़ी संख्या मा जातरि ऐन।

सतपाल महाराजन बोलि कि चारधाम मा जातरियों संख्या अर क्षमता क हिसाब से एक तीथ जंातरि थैं साल मा एक हि दा चारधाम मा आणा क मंजूरि दियें जाण चैंद। उन्न बोलि चारधाम जाता मा नौ दर्ज कैकि आधार से ज्वड़े जाणा चैंद।

महाराजन बोलि कि पर्यटककों कि रैंणा क जगों मा साफ सफै कु खास ख्याल रखें ज्यां। उन्न बोलि बल बाबा अमरनाथ क जन्न देस दुन्या क जातरि उत्तराखण्ड क नीति घाटी मा टिंबरसैंण महादेव के जातरा कर्यां यां खूंणि हमथैं खूब प्रचार-प्रसार करणा क दरकार च।

बैठक मा सचिव पर्यटन सचिन कुर्वे, यूटीडीबी क अपर मुख्य कार्यकारी अधिकारी (साहसिक विंग) कर्नल अश्विनी पुण्डीर, प्रचार निदेशक सुमित पंत, निदेशक अवस्थापना ले. कर्नल दीपक खंडूरी, अपर निदेशक पूनम चंद, वरिष्ठ शोध अधिकारी एसएस सामन्त, उप निदेशक योगेंद्र कुमार गंगवार दड़गा मा विभाग क औरि अधिकारी मौजूद छायीं।