आस्था क दगड़ खौल (खिलवाड़) करण वळों फर ह्वैळी कारवै : महाराज

देरादूण। चारधाम जातरा मा आस्था क दगड़ मा खौल (खिलवाड़) करण वळा कैथैं बि नीं छ्वड़े जाळु। केदारनाथ मंदिरा गर्भगृह मा सुनूं लगौंणा कु मामला मा , गर्भगृह मा शिवलिंग फर रुप्यौं उछ्लण वळा या फिर ध्वाड़ा खच्चरु तैं सिगरेट पिलौंणा कु मामला मा जु बि दोषी छन वै फर कारवै कर्यें जाली अर सजा दियें जाली। या बात प्रदेसा पर्यटन धर्मस्व अर संस्कृति मंत्री सतपाल महाराज न बोलि। उन्न बोलि कि कुछ ळोग सोशल मीडिया मा चारधाम जातरा तैं लेकैकि अफवा फैलाणा छन।

महाराजन बोलि चारधाम जातरा बौत अच्छी चलणि च। श्रद्धालु उत्तराखण्ड मा दर्शन खूंणि आणा छन इन्न मा अफवा फैल्यें कि चारधाम जातरा तैं रवक्णा क कोसिस करण वळों फर कारवै कर्यें जाली।

साउंड प्रुफ बण्यें जाला इस्कूल
पर्यटन मंत्री न बोलि केदारनाथ क बाटों इस्कूलु पढ़ण वळा नौन्याल तैं ह्वै जहाज क घपरौळन (शोर शराबा) पढ़ै मा दिक्कत हूंद। इल्लै केदारधामा बाटौं मा जतगा बि इस्कूल छन ऊतैं साउंड प्रुफ बण्यें जालु, जै से इस्कूल मा पढ़ै करण वळा नौन्याळु तैं क्वी दिकदरि नीं हूयां।