मुख्यमंत्री न जोशीमठ खूंणि भेजि राहत सामग्री

देरादूण। मुख्यमंत्री धामी न उत्तराखण्ड सदन दिल्ली बटि राहत सामग्री तैं हारू झण्डा दिख्यें की जोशीमठ भेजि।

ऐ मौका फर उन्न बोलि क हमरि कोसिस च जोशीमठ आपदा मा प्रभावित ळोगु तैं झट दुसर जगा मा बस्यें ज्यां।

मुख्यमंत्री न बतै कि जोशीमठ मा पाणि निकळणु अब कम ह्वैग्यें। उन्न बोलि अबि जोशीमठा स्थिति 70 प्रतिशत ठीक च अर जोशीमठा क कुड़ौं मा क्वीं नै तिड़वाळ नी आणि च। उन्न बोलि कि जोशीमठ मा काम करणि एजेन्सी क रिपोर्ट आणा क बाद हि ळोगु तैं दुबरा बस्यें जाणा कु काम कर्यें जाळु।