विधानसभा अध्यक्षा न राजस्व पुलिस बदोबस्त थैं खतम करणा खूंणि मुख्यमंत्री थैं धन्यवाद दे

देरादूण। मुख्यमंत्री धामीन उत्तराखण्ड मा राजस्व पुलिस बदोबस्त थैं खतम करणा क सुरुवात थैं लेकैकि विधानसभा अध्यक्षा ऋतु खण्डूडी न मुख्यमंत्री थैं आभार बोलि। अर ऊंकु ऐ फैसला क बढ़ै कैकि स्वागत कायी।

कैबिनेट बैठक मा ब्याली राजस्व पुलिस बदोबस्त थैं खतम करणा कु प्रस्ताव पास ह्वै। पैलि चरण मा पुलिस थानोें क नजीका क राजस्व तोकु थैं सिविल पुलिस मा मिल्यें जाला।

बतै दियां कि अंकिता कतल क मामला मा विधानसभा अध्यक्षा न सबसे पैलि मुख्यमंत्री थैं राजस्व पुलिस बदोबस्त थैं खतम करणा खूंणि बोलि छायीं। उन्न 24 सितम्बर खूंणि मुख्यमंत्री थैं एक चिट्ठी लेखि कि प्रदेस मा राजस्व पुलिस बदोबस्त थैं खतम कैकि अर पुलिस थैं जिमेबारि देंणा के बात बोलि छायीं।