मुख्यमंत्री न कायी उत्तराखण्ड @25 क लक्ष्यों तैं हासिल करणा खूंणि कृषि अर उद्यान क समीक्षा
देरादूण। मुख्यमंत्री पुष्कर सिंह धामीन आज सचिवालय मा सशक्त उत्तराखण्ड /25 क लक्ष्यों तैं हासिल करणा खूंणि कृषि अर उद्यान क समीक्षा बैठक कायी। ऐ मौका फर मुख्यमंत्री न बोलि कि जिमदार अर खेती पाति अर बग्वान क तोक मा अच्छु दाम मिल्यां या खूंणि अच्छु मा बाजार के बन्दबस्त कर्यें ज्यां। मुख्यमंत्री न बोलि कि जिमदारु क् कमै तैं द्वि गुना करणा खूंणि जादा किमता नाज-पाणि तैं अगनै बढ़ौंण पर खास ध्यान दियें ज्यां।
मुख्यमंत्री न बोलि कि प्रदेस मा मिलेट्स क नाज तैं बढ़ौंणा मा खास ध्यान दियें ज्यां , यांकी मांग बौत बढ़णि च। उन्न बोलि कि जिमदारु के कमै बढ़ौंणा खूंणि म्वाटु नाज खास च।
मुख्यमंत्री न उद्यान विभाग क रोडमैप क समीक्षा कायी अर अधिकारियों तैं निर्देश दीं कि प्रदेस मा पॉलीहाउस लगौंणा कु काम जोर-शोर से कर्यें ज्यां। उन्न बोलि कि कैबिनेट मा जिमदारु खूंणि 70 प्रतिशत अनुदान देंणा कु फैसला कर्यूं च।
मुख्यमंत्रीन बोलि कि उत्तराखण्ड क धर्या बढ़यां समानु तैं अगनै बढ़ौंणा खूंणि ऊंकु पैकेजिंग अर बजार पर खास ध्यान दियें ज्यां। उन्न बोलि कि कीवी अर सेब फर काम तेजी से कर्यें ज्यां, म्वारा पलण कु काम ह्वै सकदु।
बैठक मा कैबिनेट मंत्री गणेश जोशी, अपर मुख्य सचिव श्रीमती राधा रतूड़ी, सचिव आर. मीनाक्षी सुंदरम, शैलेश बगोली, विनय शंकर पाण्डेय, दीपेन्द्र चौधरी, अपर सचिव रणवीर सिंह चौहान, विजय कुमार जोगदाण्डे, अर कृषि, उद्यान विभागा अधिकाीर छायी।