काबीना मंत्री क भै क घौर दिनमा ह्वै डकैति

देरादूण। प्रदेस के काबीना मंत्री प्रेमचद्र अग्रवाल क काका कु नौना शीशपाल अग्रवाल क घौर डोईवाला मा दिन मा ह्वै़ं डकैति।

बतै जाुण च कि शीशपाल अग्रवाल क डोईवाला मा एक जनरल स्टोर च। शीशपाल जमैन जायदाद बैय्चणा कु भि काम करदन।

डकैत न आज सुबेर 11 बजि ऊंका घौर मा पौंचि अर अप्फु थैं उंकु रिसतेदार बतै अर 10 मिनट घौर मा रुकणा खूंणि बोलि। वे बगत घौंर मा शीशपाल अग्रवालक घरवलि अर द्वी काम करण वला ब्यटुला छायीं।

डकैतु न शीशपाल अग्रवाल क घरवळि अर द्वीया ब्यटुलों थैं बन्दुक अर चक्कु दिख्यें कि सर्या घौर थैं उलट-पुलट कै दें। घौर बटि लफंडर पैसा अर सुन्ना क गैणा लिग्यीं।

खबर मिलणा क बाद पुलिस मौका फर पौंचि पुलिस न सर्या घौर क जांच कायी अर बोलि कि बदमासु थैं शीशपाल क घौर क बारा मा अर शीशपाल क बारा मा सर्या जाणकारि छै।

बतै जाणु च बदमासु क संख्या 6 छायीं। बदमाश 1 घण्टा तक घौर मा रैं अर इनै-फुनै कैथैं भि ईं बातिक खबर तक नी ह्वै। शीशपाल क डय्यार मा लगभग 1 करोड़ रुप्यौं कडैति हूंणा कु अंदाजा लग्यें जाणु च।