उत्तराखण्ड भाजपा तैं जल्दी मिललु नै प्रदेस अध्यक्ष

भारतीय जनता पार्टी जल्दी हि उत्तराखण्म नै भाजपा प्रदेस अध्यक्षा की घोषणा कै सकद।
पिछले द्वी दिनु मा दिल्ली भाजपा हाईकामना दगडिद्य मुख्यमंत्री धामी अर प्रदेस अध्यक्ष महेन्द्र भट्ट कै बार बैठक ह्वेग्ये।
अब या जाणकारी समणि आणि च कि उत्तराखण्डम मंत्रिमण्डला विस्तारसे पैलि भाजपा तैं नै प्रदेस अध्यक्ष मिलि जालु।
उत्तराखण्डम भाजपा कु नै प्रदेस अध्यक्ष कु होलु यांका बारम सर्या प्रदेसम छ्वीं बत्था लगणि बैठिग्यीं।

त बतै दियां कि उत्तराखण्ड अबि तक क्षेत्र अर जातिगत समीकरण देखिकि प्रदेस अध्यक्ष बण्यें ग्यींन।
अबि प्रदेसम भाजपा सरकार च अर मुख्यमंत्रि कुमौ बिटि अर ठाकुर छन। त साफ च भाजपा कु प्रदेस अध्यक्ष गढ़वाल क्षेत्र बिटि अर क्वीं बामण ह्वे सकदु। अबि महेन्द्र भट्ट भाजपा का प्रदेस अध्यक्ष छन, गढ़वाल बिटि छन बामण छन।

भाजपका कुछ लोगु ब्वना छन कि महेन्द्र भट्ट तैं हि दुबरा प्रदेस अध्यक्ष बण्यें जालु। पर प्रेमचन्द अग्रवाल अर मामलु मा महेन्द्र भट्टन जन बयान दींन वां से महेन्द्र भट्ट बि निसाण पर छन। इन्न मा साफ च कि महेन्द्र भट्ट दुबर प्रदेस अध्यक्ष बणणा की उमेद कतै नीं लगणि च।

इन्न मा साफ च कि भाजपा प्रदेस अध्यक्ष्ज्ञ क्वीं नै हि होलु। उन्न त या खबर बि आणि च की भाजपा कै खास जाति कु प्रदेस अध्यक्ष बणै सकदि इन्न मा देरादूणा राजपूर बिटि एससी विधायक खजानदास कु नौं पैलि नम्बर पर च।
यांका बाद धर्मपुर सीटा विधायक विनोद चमोल अर ज्योति प्रसाद गैरोला, अर आदित्य कोठारी बि प्रदेस अध्यक्षा दौड़ मा सामिल छन।

अब अगर हम बात करदो ब्यटुला तैंप्रदेस अध्यक्ष बण्यें जांद त यीं लैन म केदारनाथ विधायक अर दीप्ति रावत पैलि नम्बर पर छन। भाजपा प्रदेस अध्यक्ष बणौंणम भाजप मुख्यमंत्री की मरजी की ह्वे सकदु।