उत्तराखण्ड भाजपा कु पैनळ त्यार, प्रत्याशियों क जिकुड़ि मा हूंणि बैट्ठी ग्यायीं धकध्याट

देरादूण। भाजपा न जन्नि विधानसभा 2022 चुनौ मा उत्तर प्रदेश विधानसभा चुनाव के ख्ूांणि 107 प्रत्याशियों क सूची जारी क्या कायी कि उत्तराखण्ड मा टिकट क लैन मा लग्यां प्रत्याशियों का जिकुड़ि मा धकध्याट हूंणि बैठि ग्यायी। उत्तर प्रदेश मा भाजपा क सूची मा 83 मा बटि 20 विधायकों का टिकट नि द्यायी। ईं ऊं बड़ु़ कारण च कि देरादूण मा भि टिकटक लैन मा लग्यां भाजपा प्रत्याशियों जिकुड़ि धड़क-धड़क करण बैट्ठि ग्यायी।

देरादूण बटि खबर इन्न आणि च कि उत्तराखण्ड मा भि भाजपाळ भि 70 सीटू मा एक पैनळ त्यार कायी अर मंथन शुरू कैरि द्यायी। सूत्रों क खबर च कि पैनळ मा 25 से जादा सीटू मा सब्बियों क एक राय बणि ग्यायी। यू सीट्टू मा कुईं दूसरि तरौं क मजबूत दावेदारी नि छन। लेकिन अब्बि कै भि प्रत्याशी कु टिकट फैनळ नि । बते जाणु च कि पार्टी सूची त्यार कैरिक हाई कमान थैं भ्याजळि। ऐका बाद भाजपा न औरि सीट्टू मा भि दावेदारों क पैनळ त्यार कैरि याळी, जैमा तीन नाम छन। भाजपा क समणि सबसे जादा पेरसानी ऊं विधायक छन जौकि सर्वे रिपोर्ट ठीक नि च। टिकट कटणा क चर्चा से ईं विधायक संगठन पर दवाब बणाणा छन।

बैठक मा नि पौंचि हरक सिंह
भाजपा क कोर गु्रप क बैठक मा भाजपाक सब्बि बड़ा नेता शामिळ छायीं लेकिन हरक सिंह रावत बैठक मा नि छायीं। हरक सिंह रावत क बैठक मा नि आण से बात सै साबित हूंणि च कि हरक सिंह रावत अब्बि भि भाजपा से रूस्याँ छन।

दूसर तरफ पार्टी सूत्रों क दावा च हरक सिंह रावत से सम्पर्क नि हूंण च। लेकिन कोर ग्रुप बैठक मा हरक सिंह रावत क नि हूंणि से सवाळ भि खड़ा हूंणा छन। इन्न मा मीडिया मा कयास लग्यें जाणा छन कि हरक सिंह रावत अर भाजपा हाईकमान क बीच मा कुछ न कुछ बात जरूर ह्वै, जै कारण सै हि हरक सिंह रावत कोर गु्रप क बैठक मा नि ऐं।