उत्तराखण्ड बेरोजगार संघा न कनिष्ठ सहायक भर्ति इमत्यान फर खड़ा करिन सवाल

देरादूण। उत्तराखण्ड बेरोजगार संघान कनष्ठि सहायक भर्ति इमत्यान मा सवाळ खड़ा करिन। बेरोजगार संघा अध्यक्ष बॉबी पंवार न बोलि ऐ प्रेस वार्ता कैकि बोलि कि देस मा पेळि बार इन्न ह्वै होळु कि अलग-अलग पेपरु क सेट हूंण बाद बि प्रश्नु कु क्रमांक अर एक से 100 तक एक जनि अर उत्तर बि एक जनि क्रम मा छायीं।

बॉबी पंवार न बोलि कि या ऐ साफ च भर्ति इमत्यान मा कै साख थैं फैदा पौंचाणा खूंणि इन्न कर्यें ग्यें। उन्न यु बि आरोप लग्यें कि हमथैं या बि सिकैत मिलि कि पेपरु मा सील बि टुट्टीं छायीं। उन्न बोलि कि हमथैं फोन अभ्यर्थी यु बि बतै कि प्रश्न पत्र कु क्रमांक अलग अर उत्तर पुस्तिका कु क्रमांक अलग छायीं। उन्न बोलि कि भर्ति इमत्यानु मा प्रश्न पत्र अर उत्तर पुस्तिका कु क्रमांक एक जनि हूंण चैंदन।

बॉबी पंवार न बोलि कि उत्तराखण्ड लोकसेवा आयोगा अध्यक्ष, सचिव अर सबि कर्मचारियों थैं नैतिकता क अधार पर इस्तीफा देंण चैंद।

ऐ मौका फर बॉबी पंवार, नितिन दास, रमेश चौहान, सुशील कैंतुरा, हिमांशु, सचिन वखम छायीं।