एसडीएम मनीष बिष्ट भर्ति मामला म अब बेरोजगार संघ अर पीसीएस अधिकारी अमणि-समणि

देरादूण। उत्तराखण्ड बेरोजगार संघा न ऊधमसिंह नगर म तैनात डिप्टी कलेक्टर मनीष बिष्ट क भर्ति पर सवाल खड़ा करनि। जैका बाद ऊधमसिंह नगर क पीसीएस अधिकारियों न बि बेराजगार संघ क खिलाफ मोर्चा खोलि याली।

बेरोजगार संगठन न ऊधमसिंह नगरा डिप्टी कलेक्टर मनीष बिष्टा क भर्ति तैं गलत बतै। त ऐ मामला ऊधम सिंह नगरा पीसीएस अधिकारियौं न अपणु विरोध दर्ज कै। उन आरोप लगौंण वलों पर कानूनी कारवै करणा क मांग कायी अर सचिव कार्मिक शैलेश बगौली तैं चिट्ठी लेखिकि कारवै क मांग कायी।

यूएस नगर बटि 18 पीसीएस अधिकारियों या चिट्ठी जनि सोशल मीडिया मा वायरल ह्वै त बेराजगार संघ न जवाब दे अर बेरोजगार संगठन क बॉबी पंवार न X पर पोस्ट कायी अर लेखि कि प्रदेस मा ईमानदार कर्मचारी अर अधिकारी त बची जाला पर बेमान तैं सै बगत आण पर जवाब दियें जालु। उन अपणि पोस्ट म पीसीएस अधिकारियों क चिट्ठी तैं बि अटैच कायी।

मनीष बिष्ट क भर्ति क मामला मा बेरोजगार संघा क आरोप के बाद ऊधम सिंह नगरा पीसीएस अधिकारी न एक ह्वैग्यीन। बॉबी पंवार क चेतावनी क बाद अब बत्यें जाणु च की पीसीएस अधिकारी सबि एक दगड़ि खड़ा छन अर अब ऐ बारा मा मुख्यमंत्री से मुखाभेंट कैकि मुख्यमंत्री समणि अपणि बात रखण बात करणा छन।