उत्तराखण्ड थैं सबि तौकु मा अगनै लिंजाणा क प्रदेस सरकारन सौं लियीं च : मुख्यमंत्री धामी
देरादूण। मुख्यमंत्री पुष्कर सिंह धामीन आज संकल्प दिनकु मौका फर देरादूण मा संकल्प दौड़ थैं झण्डा दिखें अर बोलि उत्तराखण्ड थैं 2025 तक सबि तोक मा देस क सबि राज्य मा सबसे अगनै लिंजाण खूंणि प्रदेस सरकारक सौं लियीं च।
मुख्यमंत्री न अपड़ा जनम बार पर बोलि राज्य सरकार प्रदेस रैवासियों क भावनाओं थैं देखिक राज्य कु विकास करणि च अर उत्तराखण्ड क जनता क दगड़ मा कर्र्या वादों थैं चौछ़ड़ि अर बौत तेजी से पूरु करणा क कोसिस करणि च।
मुख्यमंत्री न बोलि मुख्यमंत्री क तरफ बटि देवभूमि उत्तराखण्ड क विकास मा पूरि मदत मिलणि च। यां खूंणि उन्न प्रधानमंत्री कु आभार बोलि।
मुख्यमंत्री धामी न अपड़ा जनमबार पर प्रदेस क रैवासियों कु आशीष खूंणि आभार बोलि अर बोलि प्रदेसक देब्तौं जन रैवासी क मदत से राज्य थैं सबि तोक मा अगनै लीज्यें जालु। उन्न बोलि राज्य सरकार विकल्प रहित संकल्प क दगड़ अगनै बढ़णीं च।
ऐ मौका फर मेयर सुनील उनियाल गामा, विधायक खजान दास अर लोग वखम छायीं।