उत्तराखण्ड मा बढ़दा जाणु कट्टरपंथी इस्लाम, देस अर प्रदेस खूंणि खतरनाक : स्वामी दर्शन भारती

देरादूण। उत्तराखण्ड क गौं -गाैं मा बढ़दा जाणी मुसळमान मनखियों क् संख्या पर स्वामी दर्शन भारती न लव जेहाद कु आरोप लग्गें।

प्रेस क्ळब मा पत्रकारू थैं उत्तराखण्ड रक्षा अभियान क संरक्षक स्वामी दर्शन भारती न ब्वाळ कि मुसळमान भैर बटि उत्तराखण्ड मा ऐकैकी खाळी जगा मा कब्जा करणा छन, अर लव जिहाद जन एजेण्डा चळणा छन।

उन्न ब्वाळ कि उत्तराखण्ड देवभूमि आध्यात्मिक, सामाजिक अर सामरिक नजर मा बेहद संवेदनशीळ च। हमरि प्रदेस क केर (सीमा) चीन से जुड़ईं च। चीन पाकिस्तानक् कन मदत करणू च कै से भि छिप्यूं नि च। इन्न मा उत्तराखण्ड मा मुसळमानु कि सटासट (तेजी से) बढ़दा जाणी संख्या आण वळ बगद मा देस क रक्क्षा खूंणि बौत खतरनाक च।

उन्न ब्वाळ कि हमरि मेनत रंग ल्याणी च अर उत्तराखण्ड क मनखि अब यू कट्टपथिंयों का खिलाफ खड़ा हूंणा छन। उन्न ब्वाळ कि कट्टरपंथी मुसळमान प्रदेस मा एक साजिश करणा छन। तब्बि त एक मौळवी ऊंक मुण्ड काट्कि ल्याण वळा थैं 1 करोड़ रूपया देंणा क बात करणू च। उन्न ब्वाळ ईं बात से साफ च कि मुसळमान प्रदेस थैं कट्टर इस्ळाम क नौ पर ऐंठणक (कब्जा) हिकमत करणा छन।