प्रदेस मा भर्ति क इमत्यान मा हूंया घपलों क जांच सीबीआई से करणा क मांग थैं लेकैकि बेरोजगार सड़क्यिों मा

प्रदेस मा भर्तियों मा हूंणा घपलों थैं लैकेकि उत्तराखण्ड बरोजगार संघ सिरड़ आज सड़िक्यों मा निकळि। बेरोजगार संघ क ब्वन पर आज प्रदेस क बेरोजगार भर्ति मा हूयां घपलों के जांच सीबीआई से करण क मांग थैं लेकैकि सड़क्यिों मा छायीं।

आज सोमबार खूंणि कोटद्वार मालवीय नगर निगम मा जमा ह्वीं। बेरोजगारू न पैळि बाबा सिद्धबलि मा सरकार मति सै ह्वै ज्यां या खूंणि पूजा कायी।

बेरोजगार संघ क अध्यक्ष बॉबी पंवार न बोलि जख एक तरफ प्रदेस क बेरोजगार नौकरियों खूंणि भटकणा छन त दूसर तरफ नेतों, अफसरू अर नकल करौंण वला माफिया प्रदेस मा भर्ति इमत्यान मा घालपा कैकि नौकरि बटणा कु काम करणा छन। उन्न बोलि यू बौत बडु मामलु च अर यांकी जांच सीबीआई से हूंण चैंद। बॉबी पंवार न बोलि बल ऐ घापला मा साामिल नेतौं क नौ एसटीएफ नीं बतालि त बेरोजगार संघ ऊंका नौ बताळु। उन्न बोलि ऐ घापला मा सरकारक मंत्री अर अफसरू भि सामिल छन ईं बात थैं क्वीं मना नि करै सकदू।

उन्न बोलि प्रदेस सरकार बेराजगारू क भविष्य थैं छकौंणा कु काम करणि च दूसर तरफ हाकम सिंह प्रदेस क होनहारू थैं भुक्खि मव्रणा कु अर नाकारौं थैं नौकरि देंणा कु काम करणु च। अर हमरि सरकार आखा बुझिक सबि दय्खणि च। उन्न यूकेएसएसएससी अर यूकेपीएससी इमत्यान क जांच सीबीआई से करण क अर घपला वला इमत्यान थैं रद्द करणा क मांग कायी।

बेरोजगार संघ के अध्यक्ष बॉबी पंवार न बोलि बल भर्ति घपलौं मा जब तक ऊंकी मांग पूरि नीं ह्वै जान्दि तब तक प्रदर्शन कर्यें जालु, अर उत्तराखण्ड मा गौ-गौ तक आन्दोलन कर्यें जालु।