उमेश कुमारन हरद्वार सीट बिटि कायी नामांकन

देरादूण। लोकसभा चुनौ 2024 खूण प्रदेसा मा नामांकन सुरु ह्वेग्येन। भाजपा न प्रदेसा पंच्या सीटु मा अपणा उमेदवार घोषित कै यलिन। त वखि कांग्रेस पार्टी हरद्वार अर नैनीताल सीटु मा अकबक ह्वीं च।

हरद्वार सीट पर भाजपान पैल्यक मुख्यमंत्री त्रिवेन्द्र सिंह रावत तैं मैदान मा उतर्यूं च। कांग्रेसा की मुट्ठी अबि तक बन्द च।

दूसर तरफा हरद्वार सीट बिटि निर्दलीय विधायक उमेश कुमारन रोशनाबाद कलेक्ट्रेट मा पौंछिकि हरिद्वार सीट बिटि नामांकन भ्वोरि दे। उमेश कुमार कु चुनौ क मैदान मा आण से हरिद्वार सीट पर अब मुकाबला हौरि जोरदार ह्वेग्ये।

उमेश कुमारन बोलि कि या लडै़ हरद्वारै मान सम्मान की लडै़ च। या लड़ै बेरुजगारू क लड़ै च। उन्न उन्न बोलि हरद्वार मा सबि ब्लॉक अर मुख्यालयों मा खूब भ्रष्टाचार च। विभागु मा खूब घूस लिये जाणि च। जिमदार परेशान छन। सबि सरकार हमतैं गुलाम बणौंणि छन।

उमेश कुमारन बोलि कि भाजपा तैं लगाताार द्वी बार जीतू सांसद बदलि किलै करण पोड़ि? उन्न बोलि सांसदन लोगु क बीच मा कुछ काम कर्यूं हून्द त वैथै बदलि नी करण प्वाड़दू।

या से पैलि उमेश कुमारन रुड़की बिटि रोड़ शो कायी। उमेश टैªक्टर मा छायीं। उमेश अफि टैªक्टर चलौंण छायी।