यूकेएसएसएससी पेपर लीक मामला मा उत्तराखण्ड हाईकोर्टन भुवन कापड़ी थैं पुछि, ऐ मामला मा सीबीआई जांच किलै करणा चाणा छा

उत्तराखण्ड हाईकोर्ट न यूकेएसएसएससी पेपर लीक मामला मा आज कांग्रेस विधायक भुवन चंन्द्र कापड़ी एक याचिका पर सुंणैं कायी।

ऐ मामला मा वरिष्ठ न्यायमूर्ति संजय कुमार मिश्राक एकलपीठ न भुवन चंद्र कापड़ी थैं 12 सितम्बर तक बताणा खूंणि बोलि बल तुम ऐ मामला मा सीबीआई से किलै करणा चाणा छौ, तुमथैं एसटीएफ के जांच पर शक किलै हूंणि च।

बतै दियां कांग्रेस विधायक भुवन चंद्र कापड़ी न उच्च न्यायालय मा एक याचिका दायर कै अर बोलि यूकेएसएसएससी परीक्षा मा ह्वै घपला क जांच एसटीएफ सै ढंग से नि करणि च, उन्न बतै अबि तक पुलिस न जु लोग पकड़यां छन वु छ्वटा-छ्वटा ळोग छन, बड़ा घपला मा मिल्यां बड़ा ळोगु थैं पुलिस अबि तक नि पकड़ि साकी। उन्न बोलि या मा उत्तरप्रदेश अर उत्तराखण्ड क बड़ा-बड़ा अफसर छन, जौ थैं सरकार बचाणि च।